പ്രണയം അവസാനിപ്പിച്ച് രണ്ടുവഴിക്ക് പിരിഞ്ഞ താരജോഡിയായ ജെന്നിഫർ ലോപ്പസും (52) ബെൻ അഫ്‌ളെക്കും (49) വീണ്ടും വിവാഹിതരായി. "സ്നേഹം ക്ഷമയാണ്. ഇരുപതു വർഷത്തെ ക്ഷമ. ഞങ്ങൾ ആഗ്രഹിച്ചത് നടന്നു’’ എന്ന കുറിപ്പോടെയാണ് ജെന്നിഫർ വിവാഹ വാർത്ത പങ്കുവച്ചത്. 

2001ൽ സിനിമാ സെറ്റിൽ നിന്ന് തുടങ്ങിയ ഇരുവരുടെയും പ്രണയം വിവാഹത്തിന്റെ വക്കോളമെത്തിയിരുന്നു. 2002ൽ ആഘോഷമായി വിവാഹനിശ്ചയം നടത്തിയെങ്കിലും രണ്ടുവർഷത്തിന് ശേഷം ഇരുവരും വേർപിരിഞ്ഞു. ഈ ബന്ധത്തിന് മുമ്പ് ജെന്നിഫർ രണ്ട് തവണ വിവാഹം ചെയ്തിരുന്നു. ഈ രണ്ടു ബന്ധങ്ങളും വളരെ പെട്ടന്ന് തന്നെ അവസാനിച്ചു. ബെൻ അഫ്‌ളെക്കുമായി വേർപിരിഞ്ഞ ശേഷം മാർക്ക് ആന്റണിയെ വിവാഹം ചെയ്തു. 2014 വിവാഹമോചിതയായി. 

കഴിഞ്ഞ വർഷം ജനുവരിയിൽ ബെൻ നടി അമ്മ ഡി അർമാസുമായി വേർപിരിഞ്ഞു. ബേസ്‌ബോൾ കളിക്കാരൻ അലക്‌സ് റോഡ്രിഗസ്സുമായുള്ള ബന്ധം ജനിഫറും അവസാനിപ്പിച്ചു. ഇതോടെയാണ് ബെന്നിഫർ പ്രണയം വീണ്ടും മൊട്ടിട്ടത്. 

ഈ വാർത്ത കൂടി വായിക്കൂ 

ആദിത്യ കരികാലന്റെ നെറ്റിയിലെ തിലകക്കുറി, 'തെറ്റ്'; പൊന്നിയിൻ സെൽവനിൽ മണിരത്നത്തിനും വിക്രമിനും നോട്ടിസ് 

സമകാലിക മലയാളം ഇപ്പോൾ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ