ദ് വോയ്സ് ഓഫ് ഓസ്ട്രേലിയ എന്ന ലോകപ്രശസ്‌ത സം​ഗീത റിയാലിറ്റി ഷോയിലൂടെ ആ​ഗോള ശ്രദ്ധ നേടിയ മലയാളി ജാനകി ഈശ്വർ സിനിമ പിന്നണി ​ഗാനരം​ഗത്തേക്ക് ചുവടുവെക്കുന്നു. പാർഥിപന്റെ സംവിധാനത്തിൽ ഒരുങ്ങുന്ന ചിത്രത്തിന് വേണ്ടി ഡി ഇമ്മൻ ഒരുക്കുന്ന ​ഗാനമാണ് ജാനകി പാടുക.

ഇമ്മൻ തന്നെയാണ് ഇക്കാര്യം സോഷ്യൽമിഡിയയിലൂടെ ഇക്കാര്യം അറിയിച്ചത്. ജാനകിയെ തന്റെ പാട്ടിലൂടെ പ്രേക്ഷകർക്ക് മുന്നിലെത്തിക്കുന്നതിൽ അതിയായ സന്തോഷമുണ്ടെന്ന് ഇമ്മൻ കുറിച്ചു. 

ദ് വോയ്‌സ് ഷോയുടെ പത്താം സീസണിലായിരുന്നു ജാനകി മത്സരിക്കാനെത്തിയത്. ഗ്രാമി ജോതാവ് ബില്ലി ഐലിഷിന്റെ ‘ലവ്‌ലി’ എന്ന ഗാനം ജാനകി പാടുന്നതിന്റെ വിഡിയോ വൈറലായിരുന്നു. ഓഡീഷനിൽ ‘മാതേ മലയധ്വജ’ എന്നു തുടങ്ങുന്ന ഇന്ത്യൻ ഗാനമാണ് ജാനകി ആലപിച്ചത്.

ഓസ്‌ട്രേലിയയില്‍ സ്ഥിരതാമസമാക്കിയ കോഴിക്കോട് കക്കോടി സ്വദേശികളായ അനൂപ് ദിവാകരൻ–ദിവ്യ ദമ്പതികളുടെ മകളാണ് ജാനകി. 
പ്രമുഖ റോക്ക് ബാൻഡ് ഐസ് ഹൗസിൽ അംഗമാണ് ഈ കൊച്ചുമിടുക്കി. 

ഈ വാര്‍ത്ത കൂടി വായിക്കൂ 

മുണ്ടിന്റെ കോന്തലയും പിടിച്ച് ആറാം തമ്പുരാനായി നടക്കുന്നു; ഇത് വരിക്കാശേരി മനയല്ല, അക്കാദമിയാണ്; രഞ്ജിത്തിനെതിരെ ഭരണസമിതി അംഗങ്ങള്‍

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ