ബെംഗളൂരു: കന്നഡ സിനിമാ താരം ബിഎസ് അവിനാശ് സഞ്ചരിച്ചിരുന്ന കാര്‍ അപകടത്തില്‍പ്പെട്ടു. കണ്ടെയ്‌നറുമായി കൂട്ടിയിടിച്ചായിരുന്നു അപകടം. അദ്ദേഹം അത്ഭുതകരമായി പരിക്കേല്‍ക്കാതെ രക്ഷപ്പെട്ടു. യഷിന്റെ കെജിഎഫിലെ ആന്‍ഡ്രൂസ് എന്ന കഥാപാത്രത്തിലൂടെ ശ്രദ്ധേയനായ നടനാണ് അവിനാശ്. 

ബുധനാഴ്ച രാവിലെ  ആറുമണിയോടെ ആയിരുന്നു അപകടം. രാവിലെ ജിമ്മിലേക്ക് പോകുമ്പോള്‍ അനില്‍ കുംബ്ലെ സര്‍ക്കിളില്‍ വെച്ചായിരുന്നു അപകടം. 

റെഡ് സിഗ്നല്‍ മറികടന്നു വന്ന കണ്ടെയ്‌നര്‍ വേഗത്തില്‍ വന്ന് തന്റെ കാറുമായി കൂട്ടിയിടിക്കുകയായിരുന്നു എന്ന് അദ്ദേഹം ഫെയ്‌സ്ബുക്കില്‍ കുറിച്ചു. കാറിന് സാരമായ കേടുപാടുണ്ടായെങ്കിലും തനിക്ക് പരിക്കേറ്റില്ലെന്നും അതിന് ദൈവത്തിന് നന്ദി പറയുന്നതായും അദ്ദേഹം കൂട്ടിചച്ചേര്‍ത്തു.
 

ഈ വാര്‍ത്ത കൂടി വായിക്കാം അമ്മയെപ്പോലെ സൗന്ദര്യമില്ല, ബാല്യകാലം മുതൽ കേൾക്കുന്ന പരിഹാസം; തുറന്നു പറഞ്ഞ് ഖുശ്ബുവിന്റെ മകൾ

സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ