ഡീയസ് ഈറെ എന്ന ചിത്രത്തിലൂടെ മലയാള സിനിമാ പ്രേക്ഷകരുടെ മുഴുവൻ ശ്രദ്ധയും പിടിച്ചുപറ്റിയിരിക്കുകയാണ് നടൻ ജിബിൻ ​ഗോപിനാഥ്. മമ്മൂട്ടി ചിത്രം കളങ്കാവലിലും ജിബിൻ പ്രധാന വേഷത്തിലെത്തുന്നുണ്ട്. കഴിഞ്ഞ ദിവസം കളങ്കാവൽ പ്രൊമോഷനിടെ ജിബിനെക്കുറിച്ച് മമ്മൂട്ടി പറഞ്ഞ വാക്കുകളാണിപ്പോൾ ശ്രദ്ധേയമാകുന്നത്.

നമ്മൾ നടന്നു പോകുമ്പോൾ നമ്മു‌ടെ മുന്നിൽ വന്നു വീഴുന്ന പഴങ്ങളെപ്പോലെയാണ് ജിബിൻ ഗോപിനാഥ് എന്നാണ് മമ്മൂട്ടി അദ്ദേഹത്തെക്കുറിച്ച് പറഞ്ഞത്. നമ്മൾ നടന്നു പോകുമ്പോൾ വഴിയിൽ നിന്ന് ചില പ്രത്യേക പഴങ്ങൾ കിട്ടാറില്ലേ, അത്തരത്തിൽ കിട്ടുന്ന ഒരു നടനാണ് ഇയാൾ.

‘ഡീയസ് ഈറെ’ എല്ലാവരും കണ്ടതാണല്ലോ, പൊളിച്ചി‌ട്ടില്ലേ ഇയാൾ?. ഇതിൽ കൂടുതൽ എന്ത് വേണം. ഒരു പരസ്യ ചിത്രത്തിലൂടെയാണ് ഞാൻ ആദ്യമായി ഇയാളെ ശ്രദ്ധിക്കുന്നത്. അതിൻ്റെ കഥ എന്താണെന്ന് ഇയാൾ തന്നെ പറയും. ഒടുവിൽ എൻ്റെ കൂടെ ‘കളങ്കാവലി’ലും അഭിനയിച്ചു.”- മമ്മൂട്ടി പറഞ്ഞു.

മമ്മൂട്ടിയും വിനായകനും ഒന്നിക്കുന്ന ‘കളങ്കാവൽ’ ചിത്രം ഡിസംബർ 5 ന് റിലീസിനൊരുങ്ങുകയാണ്. നവാഗതനായ ജിതിൻ കെ ജോസ് ആണ് ചിത്രം സംവിധാനം ചെയ്യുന്നത്. ജിഷ്‍ണു ശ്രീകുമാറും ജിതിൻ കെ ജോസും ചേർന്ന് തിരക്കഥയൊരുക്കിയ ‘കളങ്കാവൽ’, മമ്മൂട്ടി കമ്പനിയുടെ ബാനറിൽ നിർമിക്കുന്ന ഏഴാമത്തെ ചിത്രമാണ്.