കഴിഞ്ഞ പന്ത്രണ്ട് വര്‍ഷമായി മമ്മൂട്ടിയുടെ പേഴ്‌സണല്‍ കോസ്റ്റ്യും ഡിസൈനറാണ് അഭിജിത്ത് സി. കളങ്കാവലിലൂടെ കോസ്റ്റ്യും ഡയറക്ടര്‍ എന്ന നിലയില്‍ ആദ്യമായി ഒരു സിനിമ മുഴുവന്‍ ചെയ്യുകയാണ് അഭിജിത്ത്. കഴിഞ്ഞ ദിവസം നടന്ന കളങ്കാവലിന്റെ ലോഞ്ചില്‍ മമ്മൂട്ടി തന്നെ അഭിജിത്തിനെ പരിചയപ്പെടുത്തുകയും ചെയ്തു.

പിന്നാലെ അഭിജിത്ത് സോഷ്യല്‍ മീഡിയയില്‍ പങ്കുവച്ച കുറിപ്പ് ശ്രദ്ധ നേടുകയാണ്. വലിയൊരു തുടക്കമാണ് മമ്മൂക്കയുടെ പരിചയപ്പെടുത്തലോടെ കിട്ടിയിരിക്കുന്നത്, കഴിവിന്റെ പരമാവധി മികച്ചതക്കാന്‍ ശ്രമിച്ചിട്ടുണ്ട് എന്നതാണ് വിശ്വാസമെന്നും അഭിജിത്ത് പറയുന്നു. അദ്ദേഹത്തിന്റെ വാക്കുകള്‍ വായിക്കാം തുടര്‍ന്ന്:

ഒരു സ്വപ്നമെന്നപോലെ ചെറുപ്പം മുതല്‍ ഇഷ്ടപെട്ട നായകന് മാത്രമായി കോസ്റ്റും ഒരുക്കാന്‍ തുടങ്ങയിട്ട് 12 വര്‍ഷത്തിലേറെയാകുന്നു, കളങ്കാവല്‍ ചിത്രത്തിലെ എല്ലാ കഥാപാത്രങ്ങള്‍ക്കും വസ്ത്രലങ്കാരം ചെയ്യാനുള്ള ചുമതല മമ്മൂട്ടി കമ്പനി ഏല്‍പ്പിക്കുമ്പോള്‍ വലിയൊരു തുടക്കമാണ് മമ്മൂക്കയുടെ പരിചയപ്പെടുത്താലോടെ കിട്ടിയിരിക്കുന്നത്,

കഴിവിന്റെ പരമാവധി മികച്ചതാക്കാന്‍ ശ്രമിച്ചിട്ടുണ്ട് എന്നതാണ് വിശ്വാസം. സര്‍വസ്വാതന്ത്ര്യവും തന്ന സംവിധായകന്‍, ക്യാമറാമാന്‍ ഒരുപാട് സഹായവുമായി കൂടെ നിന്ന മറ്റു ടെക്നിഷന്‍സ്, വിനായകന്‍ ചേട്ടന്‍, മറ്റു ആര്ടിസ്‌റ്‌സ്, എന്നും എപ്പോഴും കൂടെ ഉള്ള നമ്മുടെ മമ്മൂട്ടി കമ്പനിയുടെ എല്ലാവരോടും നന്ദി.., ഒരുപക്ഷെ എന്നെക്കാള്‍ ഒരുപടി മുന്നില്‍ നിന്ന് സന്തോഷത്തോടെ അവരുടെ സിനിമയായി കണ്ടു കൂടെ നിന്ന കോസ്റ്റും ടീം. ശശി ഏട്ടന്‍,ഹാരിഷ്, രമേശ്, പ്രകാശേട്ടന്‍,വിഷ്ണു,രഞ്ജിനി ചേച്ചി ഇവരുടെ കൂടി ചിത്രമാണ്.

നാളെ ചിത്രം ഇറങ്ങുമ്പോള്‍ ഒരു സൂപ്പര്‍ താരവും ചെയ്യാന്‍ സാധ്യത ഇല്ലാത്ത പലരും വീണ്ടും പറയുന്നപോലെ ''ഇത് പുതിയൊരു മമ്മൂക്ക'' ആയിരിക്കും, വാക്കിലും നോക്കിലും ചിരിയിലും എല്ലാം നമ്മള്‍ കാണാത്ത മമ്മൂക്ക, നാളെ മുതല്‍ പലരും സംസാരിക്കുന്നതും അതുതന്നെയാകും, കൂടെ വിനായകന്‍ ചേട്ടനും വളരെ വൈവിദ്യങളുള്ള ഇരുപത്തിലധികം സ്ത്രീ കഥാപാത്രങ്ങളെല്ലാം ചേര്‍ന്ന് നിങ്ങളിക്കിഷ്ടമാകുന്ന ഒരു നല്ല ചിത്രം തന്നെയാകും ''കളങ്കാവല്‍'. കണ്ടു അഭിപ്രായം അറിയിക്കണേ.