മൂക്കുത്തി അമ്മൻ രണ്ടാം ഭാ​ഗം വരുമെന്ന് നേരത്തെ തന്നെ വാർത്തകൾ പുറത്തുവന്നിരുന്നു. ഇപ്പോഴിതാ ചിത്രത്തിന്റെ ഓദ്യോ​ഗിക പ്രഖ്യാപനം നടത്തിയിരിക്കുകയാണ് നിർമ്മാതാക്കൾ. നയൻതാര തന്നെയാണ് രണ്ടാം ഭാ​ഗത്തിലും മൂക്കുത്തി അമ്മനായെത്തുക. മുൻപ് തൃഷ ആയിരിക്കും മൂക്കുത്തി അമ്മനാവുക എന്ന തരത്തിൽ അഭ്യൂഹങ്ങൾ പ്രചരിച്ചിരുന്നു.

ഔദ്യോ​ഗിക പ്രഖ്യാപനമെത്തിയതോടെ അഭ്യൂഹങ്ങൾക്കെല്ലാം വിരാമമായിരിക്കുകയാണ്. ആർജെ ബാലാജി, നയൻതാര, മൗലി, ഉർവ്വശി, സ്മൃതി വെങ്കട്ട് തുടങ്ങിയവരാണ് മൂക്കുത്തി അമ്മനിൽ പ്രധാന വേഷത്തിലെത്തിയത്. അതേസമയം രണ്ടാം ഭാഗത്തിൽ മറ്റു അഭിനേതാക്കളും അണിയറപ്രവർത്തകരും തന്നെയാണോ അതോ മാറ്റമുണ്ടാകുമോയെന്ന കാര്യം നിർമ്മാതാക്കൾ പുറത്തുവിട്ടിട്ടില്ല.

വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍

ആർ ജെ ബാലാജി, എൻജെ ശരവണൻ എന്നിവർ ചേർന്നാണ് ഒന്നാം ഭാ​ഗം സംവിധാനം ചെയ്തത്. ആർജെ ബാലാജിയാണ് ചിത്രത്തിലെ നായക വേഷം ചെയ്തതും. നിലവിൽ നയൻതാരയുടെ റോൾ മാത്രമാണ് അണിയറപ്രവർത്തകർ സ്ഥിരീകരിച്ചിരിക്കുന്നത്. മൂക്കുത്തി അമ്മൻ ആദ്യ ഭാ​ഗം മികച്ച പ്രേക്ഷക പ്രതികരണം നേടിയിരുന്നു.