OM Instagram
Entertainment

ധനുഷിന്റെ കരിയർ ബെസ്റ്റ്; 'ഒ.എം' ആദ്യദിനം നേടിയത് 13 കോടി, തകർത്തത് രായന്റെ റെക്കോർഡ്

മമ്മൂട്ടിയുടെ സാന്നിധ്യം കേരളത്തിലെ റിലീസിന് ഗുണകരമായെന്നാണ് റിപ്പോർട്ടുകൾ

Author : സമകാലിക മലയാളം ഡെസ്ക്
Edited By : ചന്ദ്ര സ്വസ്തി

ബോക്സ് ഓഫീസിൽ മികച്ച ഓപ്പണിങ്ങുമായി ധനുഷ് ചിത്രം 'ഒ.എം: ഓപ്പറേഷൻ മോൾ'. റിലീസിന് മുന്നോടിയായുള്ള അഡ്വാൻസ് ബുക്കിങ്ങിൽ ധനുഷിന്റെ കരിയറിലെ ഏറ്റവും ഉയർന്ന നേട്ടമാണ് ചിത്രം സ്വന്തമാക്കിയത്.

ആദ്യദിന പ്രദർശനങ്ങൾക്കായി ലോകമെമ്പാടുമായി 13.50 കോടി രൂപയുടെ പ്രീ-സെയിൽസ് ആണ് ചിത്രം നേടിയിരിക്കുന്നത്. ഇന്ത്യയിൽ നിന്ന് മാത്രം ആദ്യദിന അഡ്വാൻസ് ബുക്കിങ്ങിലൂടെ 7.32 കോടി രൂപയുടെ ഗ്രോസ് കളക്ഷനാണ് ചിത്രം നേടിയിരിക്കുന്നത്. ഇതോടെ ധനുഷിന്റെ കരിയറിലെ ഏറ്റവും ഉയർന്ന ആദ്യദിന പ്രീ-സെയിൽസ് എന്ന നേട്ടവും ചിത്രം സ്വന്തമാക്കി.

രാജ്കുമാർ പെരിയസാമി സംവിധാനം ചെയ്യുന്ന ആക്ഷൻ ഡ്രാമ നവംബർ 20ന് തിയേറ്ററുകളിലെത്തി. നവംബർ 19 വൈകിട്ട് ആറുവരെയുള്ള കണക്കുകൾ പ്രകാരമാണ് ലോകമെമ്പാടുമായി 13.50 കോടി രൂപയുടെ അഡ്വാൻസ് ബുക്കിങ് റിപ്പോർട്ട് ചെയ്തത്. ധനുഷിന്റെ മുൻചിത്രമായ 'രായൻ' ആദ്യദിന അഡ്വാൻസ് ബുക്കിങ്ങിൽ നേടിയ 6.15 കോടി രൂപയെന്ന റെക്കോർഡാണ് 'ഒ.എം' മറികടന്നത്. 'ക്യാപ്റ്റൻ മില്ലർ' 3.87 കോടി രൂപയും 'ഇഡ്ഡലി കടൈ' 3.07 കോടി രൂപയുമായിരുന്നു ആദ്യദിന അഡ്വാൻസ് ബുക്കിങ്ങിലൂടെ നേടിയത്.

പ്രധാന വിപണികളിലെ കണക്കുകൾ പരിശോധിച്ചാൽ തമിഴ്നാട്ടിൽ നിന്ന് മാത്രം അഞ്ച് കോടി രൂപയാണ് ചിത്രത്തിന്റെ അഡ്വാൻസ് ബുക്കിങ്. തെലുങ്ക് വിപണിയിൽ നിന്ന് രണ്ട് കോടിയിലധികം രൂപയും ലഭിച്ചു. കേരളത്തിലും ചിത്രത്തിന് മികച്ച മുന്നേറ്റമാണുള്ളത്. മമ്മൂട്ടിയുടെ സാന്നിധ്യം കേരളത്തിലെ റിലീസിന് ഗുണകരമായെന്നാണ് റിപ്പോർട്ടുകൾ. കേരളത്തിൽ നിന്ന് ഏകദേശം 1.50 കോടി രൂപയും കർണാടകയിൽ നിന്ന് 75 ലക്ഷം രൂപയുമാണ് അഡ്വാൻസ് ബുക്കിങ്ങിലൂടെ ലഭിച്ചത്. ബാക്കി തുക വിദേശ വിപണികളിൽ നിന്നാണ്.

ചിത്രത്തിൽ ധനുഷിനും മമ്മൂട്ടിക്കും പുറമെ സായ് പല്ലവി, ശ്രീലീല, ഇന്ദ്രൻസ്, നസറുദ്ദീൻ ഷാ എന്നിവരും പ്രധാന വേഷങ്ങളിലെത്തുന്നുണ്ട്. ചുവന്ന ചന്ദനത്തടിയുടെ കടത്തും അതുമായി ബന്ധപ്പെട്ട അധോലോക ശൃംഖലയുമാണ് ചിത്രത്തിന്റെ പ്രമേയം. രഹസ്യാന്വേഷണ ഉദ്യോഗസ്ഥൻ ആൾമാറാട്ടത്തിലൂടെ കടത്തുസംഘത്തിനുള്ളിൽ പ്രവേശിക്കുന്നതും തുടർന്നുണ്ടാകുന്ന സംഭവങ്ങളുമാണ് സിനിമയുടെ ഇതിവൃത്തം.

'OM' rakes in 13 crore on its opening day, shattering the record set by 'Raayan'

Subscribe to our Newsletter to stay connected with the world around you

Follow Samakalika Malayalam channel on WhatsApp

Download the Samakalika Malayalam App to follow the latest news updates 

കാവേരി ജലതർക്കം: തമിഴ്നാടിന്റെ ഹർജികൾ തള്ളി സുപ്രീം കോടതി

'എന്റെ സമാധാനം കളയുന്ന ഒന്നിലേക്ക് ഞാനെന്തിന് പോകണം ? വിവാഹത്തിന് പിന്നാലെയല്ല, ശരിയായ ബന്ധത്തിനാണ് ഞാൻ പ്രാധാന്യം നൽകുന്നത്'

യൂത്ത് കോൺഗ്രസ് പദയാത്ര: കണ്ണൂർ നഗരത്തിൽ ഇന്ന് ഗതാഗത നിയന്ത്രണം

'130 റൺസ്'... 36 കൊല്ലത്തെ കാത്തിരിപ്പ്, 17 ടെസ്റ്റുകളുടെ വരൾച്ച!

കുട്ടികളെ മുന്‍സീറ്റില്‍ ഇരുത്തരുത്, വേഗത കുറച്ചാലും പിഴ; ഖത്തറില്‍ ഗതാഗത നിയമങ്ങളില്‍ വന്‍മാറ്റം