ഫിഫ ലോകകപ്പ് ഫുട്ബോളിനായി പാട്ടുപാടി വൈറലായ മനോജ് കുമാറിന്റെ പാട്ടിന് കിടിലൻ ഡാൻസുമായി നടി പാർവതി തിരുവോത്ത്. സെലിബ്രിറ്റി ഫിറ്റ്നസ് കോച്ചായ ഭീഗരൻ എന്ന റഹിബ് മുഹമ്മദിനൊപ്പമാണ് പാർവതി ഡാൻസുമായി എത്തിയത്. അർജന്റീന ജഴ്സിയിൽ പാർവതിയും ബ്രസീൽ ജഴ്സിയിൽ റഹിബും മനോജിന്റെ പാട്ടിന് സ്റ്റെപ്പ് വയ്ക്കുകയാണ്.

‘ഈ വിഡിയോ നമ്മൾ ചെയ്യുന്നത് എന്‍റർടെയ്ൻമെന്റ് ഉദ്ദേശത്തിനാണ്. ആരു ജയിച്ചാലും തോറ്റാലും നമ്മക്ക് ഒരു തേങ്ങയുമില്ല, നമ്മളെ എയറിലിടരുത്, ബഹിരാകാശത്തേക്ക് അയയ്ക്കരുത്’ എന്ന ആമുഖത്തോടെയാണ് ഡാൻസ് വിഡിയോ പങ്കുവച്ചിരിക്കുന്നത്.

പാർവതിക്ക് ചുറ്റും ബ്രസീൽ ജഴ്സിയിൽ മനോജ് ഹിറ്റാക്കിയ ‘അർജന്റീന അർജന്റീന’ എന്ന പാട്ടിനാണ് സ്റ്റെപ്പ് വയ്ക്കുന്നത്. തൊട്ടുപിന്നാലെ മനോജിന്റെ ബ്രസീല് ബ്രസീല് പാട്ടിന് നാഗകന്യക സ്റ്റെപ്പുൾപ്പെടെ ഡാൻസുമായി പാർവതിയുമെത്തുന്നുണ്ട്. രസകരമായ കമന്റുകളാണ് ഇവരുെട റീലിന് ലഭിക്കുന്നത്.

ഡാൻസ് സ്റ്റെപ്പിന് ട്യൂട്ടോറിയൽ വേണമെന്നും ഈ നൃത്തം ചെയ്യുന്ന കുട്ടിയെ കാണാൻ പാർവതിയേപ്പോലെ ഉണ്ടെന്നും എനിക്ക് വോട്ടു ചെയ്യണമെന്നും ഒരു മുട്ട പഫ്സ് വാങ്ങി നൽകാമെന്ന് ഭീഗരനും കമന്റു ചെയ്തിട്ടുണ്ട്. അതേസമയം 'ഐ നോബഡി'യാണ് പാർവതിയുടേതായി റിലീസിനൊരുങ്ങുന്ന ചിത്രം. പൃഥ്വിരാജ് ആണ് ഐ നോബഡിയിൽ നായകനായെത്തുന്നത്.