മലയാള സിനിമയിൽ ഇപ്പോഴും ചർച്ച ചെയ്യപ്പെടുന്ന ചിത്രമാണ് രതിനിർവേദം. ചിത്രത്തിലെ രതി ചേച്ചിയുടേയും പപ്പുവിന്റേയും കഥാപാത്രങ്ങൾക്ക് ഇന്നും മലയാളികളുടെ മനസിൽ സ്ഥാനമുണ്ട്.  ഇപ്പോള‍ സോഷ്യൽ മീഡിയയിൽ വൈറലാവുന്നത് അമ്മ മീറ്റിങ്ങിൽ നിന്നുള്ള ഒരു രതിനിർവേദം താരസം​ഗമമാണ്. രതിനിർവേദം സിനിമകളിൽ അഭിനയിച്ച താരങ്ങളാണ് ഒത്തുചേർന്നത്. 

1978ൽ ഭരതനാണ് രതിനിർവേദം സംവിധാനം ചെയ്യുന്നത്. ചിത്രത്തിൽ രതിയായി ജയഭാരതിയും പപ്പുവായി കൃഷ്ണചന്ദ്രനുമാണ് വേഷമിട്ടത്. പിന്നീട് 2011ൽ ചിത്ര് റീമേക്ക് ചെയ്യപ്പെട്ടു. ടികെ രാജീവ് കുമാർ സംവിധാനം ചെയ്ത ചിത്രത്തിൽ രതിചേച്ചിയായി വേഷമിട്ടത് ശ്വേതാ മേനോനായിരുന്നു. ശ്രീജിത്ത് വിജയ് ആണ് പപ്പുവായത്. കൗമാരക്കാനായ പപ്പുവും അയൽവാസിയായ രതിചേച്ചിയും തമ്മിലുള്ള ബന്ധമാണ് ചിത്രത്തിൽ പറഞ്ഞത്. 33 വർഷത്തിനു ശേഷമുള്ള രതിനിർവേദത്തിന്റെ റീമേക്ക് വലിയ രീതിയിൽ ശ്രദ്ധിക്കപ്പെട്ടു. 

കൃഷ്ണ ചന്ദ്രനാണ് രതിനിർവേദം സ്പെഷ്യൽ ചിത്രം സോഷ്യൽ മീഡിയയിൽ പങ്കുവച്ചത്. പഴയതും പുതിയതും ഒറ്റ ഫെയ്മിൽ എന്ന കുറിപ്പിലാണ് ചിത്രം പോസ്റ്റ് ചെയ്തത്. ജയഭാരതി, കൃഷ്ണചന്ദ്രൻ, ശ്വേത മേനോൻ, ശ്രീജിത്ത് വിജയ് എന്നിവർ ഒന്നിച്ചുള്ളതാണ് ചിത്രം.  നിരവധി പേരാണ് പോസ്റ്റിന് താഴെ കമന്റുമായി എത്തിയത്. അപൂർവ ചിത്രം എന്നാണ് നടി സരയൂ കുറിച്ചത്. 

ഈ വാര്‍ത്ത കൂടി വായിക്കൂ 

പൃഥ്വിരാജിന് ഷൂട്ടിങ്ങിനിടെ പരിക്ക്; ആശുപത്രിയിൽ പ്രവേശിപ്പിച്ചു, നാളെ ശസ്ത്രക്രിയ

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ