Rajamouli Facebook
Entertainment

'അതി​ഗംഭീര പ്രകടനം, ചിത്രം വൻവിജയം'; ദുൽഖറിന്റെ 'ആകാശംലോ ഒക താര'യെ പ്രശംസിച്ച് രാജമൗലി

സ്വപ്നം കാണാൻ കഴിയുന്നത് അനുഗ്രഹമാണ്. സ്വപ്നം യാഥാർഥ്യമാക്കാൻ ഉറച്ച മനസ്സും നിശ്ചയദാർഢ്യവും വേണം. AOTയ്ക്ക് രണ്ടും ഉണ്ടായിരുന്നു.

Author : സമകാലിക മലയാളം ഡെസ്ക്

ദുൽഖർ സൽമാൻ നായകനായെത്തിയ തെലുങ്ക് ചിത്രം 'ആകാശംലോ ഒക താര'യെ പ്രശംസിച്ച് സംവിധായകൻ എസ്.എസ്. രാജമൗലി. ചിത്രത്തെയും അതിനു പിന്നിൽ പ്രവർത്തിച്ച അണിയറപ്രവർത്തകരെയും അഭിനന്ദിച്ചുകൊണ്ട് രാജമൗലി സോഷ്യൽ മീഡിയയിൽ പങ്കുവെച്ച കുറിപ്പാണ് ശ്രദ്ധ നേടുന്നത്.

ചിത്രത്തിലെ മുഴുവൻ അഭിനേതാക്കളുടെയും പ്രകടനങ്ങൾ മികച്ചതാണെന്നും 'ആകാശംലോ ഒക താര' ഒരു വലിയ വിജയമാണെന്നും അദ്ദേഹം അഭിപ്രായപ്പെട്ടു. ട്വിറ്ററിലൂടെയാണ് രാജമൗലി സിനിമാനുഭവം പങ്കുവെച്ചത്.

"സ്വപ്നം കാണാൻ കഴിയുന്നത് ഒരു അനുഗ്രഹമാണ്. ആ സ്വപ്നം യാഥാർഥ്യമാക്കാൻ ഉറച്ച മനസ്സും അചഞ്ചലമായ നിശ്ചയദാർഢ്യവും വേണം. ടീം AOTയ്ക്ക് ഇവ രണ്ടും ഉണ്ടായിരുന്നു. അഭിനേതാക്കളുടെയെല്ലാം മികച്ച പ്രകടനങ്ങൾക്കൊപ്പം 'ആകാശംലോ ഒക താര' ഒരു വലിയ വിജയമായി മാറുന്നു" എന്നായിരുന്നു രാജമൗലിയുടെ കുറിപ്പ്.

രാജമൗലിയുടെ അഭിനന്ദനത്തിന് ദുൽഖർ സൽമാൻ നന്ദി അറിയിച്ചു. ചിത്രത്തിന്റെ സംഗീത സംവിധായകൻ ജി.വി. പ്രകാശ് കുമാറും സംവിധായകന് നന്ദി പറഞ്ഞ് രംഗത്തെത്തി. രാജമൗലിയെപ്പോലൊരു സംവിധായകനിൽ നിന്ന് ലഭിക്കുന്ന അഭിനന്ദനം വലിയ അംഗീകാരമായാണ് സിനിമയുടെ അണിയറപ്രവർത്തകർ കാണുന്നത്.

അതേസമയം, ചിത്രത്തിന് ലഭിക്കുന്ന പ്രേക്ഷക പ്രതികരണവും സിനിമാ മേഖലയിലെ പ്രമുഖരുടെ പ്രശംസയും 'ആകാശംലോ ഒക താര'യുടെ ശ്രദ്ധ വർധിപ്പിക്കുകയാണ്. ദുൽഖറിന്റെ തെലുങ്ക് സിനിമാ യാത്രയിലെ പുതിയൊരു നേട്ടമായും ചിത്രത്തെ ആരാധകർ വിലയിരുത്തുന്നു. ദുൽഖർ സൽമാനെ നായകനാക്കി പവൻ സാദിനേനി സംവിധാനം ചെയ്ത ചിത്രമാണ് "ആകാശംലോ ഒക താര" (ആകാശത്തിൽ ഒരു താരകം). റിലീസിന് മുന്നോടിയായി ഇന്നലെ കേരളത്തിൽ നടന്ന മലയാളം പ്രീമിയർ ഷോകൾക്ക് മികച്ച പ്രേക്ഷക പ്രതികരണം ലഭിച്ചിരുന്നു.

Superb perfomances, 'Akashamlo Oka Tara' is a triumph, says Rajamouli

Subscribe to our Newsletter to stay connected with the world around you

Follow Samakalika Malayalam channel on WhatsApp

Download the Samakalika Malayalam App to follow the latest news updates 

പത്മജയ്ക്ക് 'കൈ' കൊടുക്കും, രാഹുല്‍ മാങ്കൂട്ടത്തിലിനോ...?; സൈബറിടത്തില്‍ രാഹുലിനായി മുറവിളി

ജോലിക്ക് നിന്ന വീട്ടിൽ നിന്ന് 31 പവൻ സ്വർണം കവർന്ന് പകരം മുക്കുപണ്ടം വെച്ചു; ഹോം നഴ്സ് അറസ്റ്റിൽ, കുടുക്കിയത് ഫോണിലെ ചിത്രങ്ങൾ

"ജോണിവാക്കറി'ലൂടെ ചാഞ്ചക്കം തെന്നി വന്ന യുവനടൻ'; റോബിൻ വർ​ഗീസ് അന്തരിച്ചു

ക്ഷേമ പെന്‍ഷന്‍ തട്ടിയെടുക്കാന്‍ മുത്തശ്ശിയെ കൊലപ്പെടുത്തി; ചാക്കില്‍ കെട്ടി ഡാമില്‍ തള്ളി; 20കാരന്‍ അറസ്റ്റില്‍

'രാവണൻ കമ്യൂണിസ്റ്റ് നേതാവിനെപ്പോലെ, രാമൻ സാധാരണക്കാരനും'; രാമായണയുടെ സാമ്പത്തിക സ്രോതസ്സ് അന്വേഷിക്കണമെന്ന് നിതീഷ് ഭരദ്വാജ്