ബോളിവുഡിലെ സൂപ്പര്‍താര ജോഡികളാണ് വിക്കി കൗശാലും കത്രീന കൈഫും വിവാഹിതരാവുകയാണ്. ഡിസംബര്‍ 9നായിരിക്കും വിവാഹം എന്നാണ് റിപ്പോര്‍ട്ടുകള്‍. രാജസ്ഥാനില്‍ നടക്കുന്ന താര വിവാഹത്തിനായി ഒരുക്കങ്ങള്‍ക്ക് തുടക്കമിട്ടതായും റിപ്പോര്‍ട്ടുകളുണ്ട്. അതിനിടെ പ്രതിശ്രുത വധു കത്രീന കൈഫിന്റെ വീട്ടിലെത്തിയിരിക്കുകയാണ് വിക്കി.
താരവിവാഹം ഡംസംബര്‍ 9ന്
വെള്ളിയാഴ്ച വൈകിട്ടോടെയാണ് താരം കത്രീനയുടെ വീട്ടിലെത്തിയത്. പാപ്പരാസികളെ അഭിവാദ്യം ചെയ്ത് ചിത്രത്തിന് പോസ് ചെയ്താണ് താരം വീട്ടിലേക്ക് കടന്നത്. വിക്കിയെ കൂടാതെ കത്രീനയുടെ സുഹൃത്തും സെലിബ്രിറ്റി ഫാഷന്‍ സ്റ്റൈലിസ്റ്റുമായ അനൈത ഷറോഫ് അദ്ജാനിയയും താരത്തിന്റെ വീട്ടിലെത്തിയിരുന്നു.
2019 മുതല്‍ പ്രണയത്തില്‍
ദീപാവലിക്ക് സംവിധായകന്‍ കബിര്‍ ഖാന്റെ വീട്ടില്‍ വച്ച് കത്രീനയുടേയും വിക്കിയുടേയും വിവാഹനിശ്ചയം നടന്നതായി നിരവധി മാധ്യമങ്ങള്‍ റിപ്പോര്‍ട്ട് ചെയ്തിരുന്നു. രാജസ്ഥാനിലെ രാജകൊട്ടാരമായ സിക്‌സ് സെന്‍സസ് ഫോര്‍ട്ട് ബര്‍വാരയില്‍ വച്ചാണ് ഇരുവരും വിവാഹിതരാവുക. ബോളിവുഡിലെ സൂപ്പര്‍താരങ്ങള്‍ ഉള്‍പ്പടെ നിരവധി പേര്‍ ചടങ്ങില്‍ പങ്കെടുക്കുമെന്നും റിപ്പോര്‍ട്ടുകളുണ്ട്. 2019 മുതല്‍ കത്രീനയും വിക്കിയും പ്രണയത്തിലാണെന്ന് റിപ്പോര്‍ട്ടുകളുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates