നിവിൻ പോളിയെ നായകനാക്കി റാം സംവിധാനം ചെയ്യുന്ന ചിത്രമാണ് ഏഴ് കടൽ ഏഴ് മലൈ. ചിത്രത്തിന്റേതായി പുറത്തുവരുന്ന ഓരോ അപ്ഡേറ്റും പ്രേക്ഷകരിൽ ആവേശം നിറയ്ക്കുകയാണ്. ഇപ്പോഴിതാ ചിത്രത്തിലെ പുതിയ ​ഗാനം പുറത്തുവിട്ടിരിക്കുകയാണ് അണിയറപ്രവർത്തകർ. ഇതിനോടകം തന്നെ പാട്ട് സോഷ്യൽ മീഡിയ ഏറ്റെടുത്തുക്കഴിഞ്ഞു.

തെന്നിന്ത്യൻ സിനിമയിലെ രണ്ട് ഹിറ്റ് സംഗീത സംവിധായകരാണ് പാട്ടിന് പിന്നിൽ പ്രവർത്തിച്ചിരിക്കുന്നത്. യുവൻ ശങ്കർ രാജയും സന്തോഷ് നാരായണനും ആദ്യമായി ഒന്നിച്ചിരിക്കുകയാണ് ഏഴ് കടൽ ഏഴ് മലൈയിലൂടെ. ഏഴേഴ് മലൈ... എന്ന് തുടങ്ങുന്ന ​ഗാനമാണ് പുറത്തുവന്നിരിക്കുന്നത്. മധൻ കർക്കിയുടെ വരികൾക്ക് ഈണം പകർന്നിരിക്കുന്നത് യുവൻ ശങ്കർ രാജയാണ്.

വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍

പാടിയിരിക്കുന്നതാകട്ടെ സന്തോഷ് നാരായണനും. മികച്ച പ്രതികരണമാണ് ​ഗാനത്തിന് ലഭിച്ചു കൊണ്ടിരിക്കുന്നത്. രണ്ടു പേരുടേയും കോമ്പോ നന്നായിട്ടുണ്ടെന്നാണ് ഭൂരിഭാ​ഗം പേരുടേയും കമന്റുകൾ. വി ഹൗസ് പ്രൊഡക്ഷന്റെ ബാനറിൽ സുരേഷ് കാമാച്ചിയാണ് ചിത്രം നിർമ്മിക്കുന്നത്. നിവിൻ പോളിക്ക് പുറമെ മറ്റൊരു പ്രധാന കഥാപാത്രത്തെ അവതരിപ്പിക്കുന്നത് സൂരിയാണ്. അഞ്ജലിയാണ് ചിത്രത്തിലെ നായിക.