പൃഥ്വിരാജ് നായകനായ വിമാനത്തിന്റെ ഒഫിഷ്യല്‍ ടീസറെത്തി. നവാഗതനായ പ്രദീപ് നായര്‍ സംവിധാനം ചെയ്യുന്ന ചിത്രത്തില്‍ പൃഥ്വിരാജ് വീണ്ടുമൊരു വിസ്മയമൊരുക്കുകയാണ്. 48 സെക്കന്റുള്ള ടീസറില്‍ പൃഥ്വിരാജും അലന്‍സിയറും ബൈജു കരമനയും പ്രത്യക്ഷപ്പെട്ടിട്ടുണ്ട്. പൃഥ്വിരാജ് തന്നെയാണ് തന്റെ ഒഫീഷ്യല്‍ പേജിലൂടെ ടീസര്‍ പുറത്തുവിട്ടത്.

ജന്മനാ മൂകനും ബധിരനുമായ സജി എന്ന ചെറുപ്പക്കാരന്റെ കഥയാണ് വിമാനം. അതേസമയം പൃഥ്വിയുടെ സജിയെന്ന കഥാപാത്രത്തിന് സംസാരിക്കാന്‍ കഴിയും. ദാരിദ്ര്യം കാരണം സജിക്ക് ഏഴാം ക്ലാസ്സില്‍ പഠനം അവസാനിപ്പിക്കേണ്ടിവന്നു. എന്നാല്‍ ജന്മനായുള്ള പരിമിതികള്‍ക്കും പ്രതികൂലമായ ജീവിത സാഹചര്യങ്ങള്‍ക്കും മുന്നില്‍ തീവ്രമായ നിശ്ചയദാര്‍ഢ്യം സജി പിടിച്ചു നിന്നു.

പൃഥ്വിയുടെ നായികയായി പുതുമുഖ നടി ദുര്‍ഗ കൃഷ്ണയാണ് അഭിനയിക്കുന്നത്. ഒപ്പം നെടുമുടി വേണു, അലന്‍സിയര്‍, പി ബാലചന്ദ്രന്‍, ശാന്തി കൃഷ്ണ, സുധീര്‍ കരമന എന്നിവരും സിനിമയില്‍ പ്രധാന കഥാപാത്രങ്ങളെ അവതരിപ്പിക്കുന്നുണ്ട്.