മക്കള്‍ സെല്‍വന്‍ വിജയ് സേതുപതി ദളപതി വിജയുടെ ചിത്രത്തില്‍ വില്ലനാകുന്നു! വിജയുടെ 64മത് ചിത്രത്തിലാണ് വിജയ് സേതുപതി വില്ലനായെത്തുന്നത്. ഇക്കാര്യം ചിത്രത്തിന്റെ നിര്‍മ്മാതാക്കള്‍ സ്ഥിരീകരിച്ചു. ലോകേഷ് കനകരാജ് സംവിധാനം ചെയ്യുന്ന ചിത്രം എക്‌സ് ബി ഫിലിം ക്രിയേറ്റേഴ്‌സാണ് നിര്‍മ്മിക്കുന്നത്. പത്തുകോടി രൂപയാണ് ചിത്രത്തിന് വേണ്ടി വിജയ് സേതുപതി പ്രതിഫലം വാങ്ങുന്നത് എന്നാണ് അഭ്യൂഹങ്ങള്‍. 

നേരത്തെ, രജനികാന്ത് ചിത്രം പേട്ടയിലും വില്ലന്‍ വേഷത്തില്‍ വിജയ് സേതുപതി എത്തിയിരുന്നു. പേട്ടയിലെ തന്നെ മറ്റൊരു താരമായ മാളവിക മോഹനും ചിത്രത്തിലുണ്ടെന്നാണ് വിവരങ്ങള്‍. ഗ്യാങ്‌സറ്റര്‍ സിനിമയായാണ് 64ഒരുങ്ങുന്നത്. 

അറ്റ്‌ലി സംവാധാനം ചെയ്യുന്ന ബിഗിലാണ് വിജയുടേതായി തീയേറ്ററിലെത്തുന്ന ഏറ്റവും പുതിയ ചിത്രം. ദീപാവലി റിലീസാണ് ചിത്രം എത്തുന്നത്. സിന്ധുബാദ് ആയിരുന്നു വിജയ് സേതുപതിയുടേതായി അവസാനം തീയേറ്ററുകളെത്തിയ ചിത്രം.