തിരുവനന്തപുരം: ‍നടിയും ഡബ്ബിങ് ആർട്ടിസ്റ്റുമായ ഭാഗ്യലക്ഷ്മിയുടെ പരാതിയിൽ സംവിധായകൻ ശാന്തിവിള ദിനേശനെതിരെ കേസെടുത്തു. സമൂഹമാധ്യമങ്ങളിലൂടെ വ്യക്തപരമായി അധിക്ഷേപിച്ചു എന്നാണ് പരാതി. ജാമ്യമില്ലാ കുറ്റം ചുമത്തിയാണ് മ്യൂസിയം പൊലീസ് കേസെടുത്തിരിക്കുന്നത്. 

നേരത്തെ സ്ത്രീകളെ അധിക്ഷേപിച്ച് സമൂഹമാധ്യമങ്ങളിലൂടെ വിഡിയോ പ്രചരിപ്പിച്ച യുട്യൂബർ വിജയ് പി നായർക്കെതിരെ ഭാ​ഗ്യലക്ഷ്മി നൽകിയ പരാതിയിലും കേസെടുത്തിട്ടുണ്ട്. ജാമ്യം കിട്ടാവുന്ന കുറ്റങ്ങൾ മാത്രമാണ് ഇയാൾക്കെതിരെ ചുമത്തിയിരിക്കുന്നത്. ഐടി ആക്ട് ചുമത്താനാവുമോയെന്ന പരിശോധിക്കുമെന്ന് പൊലീസ് പറഞ്ഞു.