ദുബൈ: യു എ ഇയിൽ ഇലക്ട്രിക് വാഹനങ്ങൾ ഉപയോഗിക്കുന്നവറുടെ എണ്ണത്തിൽ വൻ വർധനവ് എന്ന് റിപ്പോർട്ട്. ഇ വി വാഹനങ്ങൾ വാങ്ങുന്നവരും വാടകയ്ക്ക് എടുത്തു ഉപയോഗിക്കുന്നവരുടെയും എണ്ണം 52 ശതമാനത്തിൽ കൂടുതലാണെന്നാണ് റിപ്പോർട്ടിൽ പറയുന്നത്. റോളണ്ട് ബെർഗർ എന്ന കമ്പനി നടത്തിയ പഠനത്തിലാണ് ഇക്കാര്യങ്ങൾ ഉള്ളത്.

ഇന്ധനം ഉപയോഗിച്ച് വാഹനമോടിക്കുന്നതിനേക്കാൾ ലാഭകരമാണ് ഇ വി വാഹനങ്ങൾ ഉപയോഗിക്കുമ്പോൾ എന്നാണ് പലരുടെയും അഭിപ്രായം. മാത്രവുമല്ല, ഇ വി വാഹനങ്ങളിൽ അറ്റകുറ്റ പണികളും കുറവാണ്. അത് കൊണ്ടാണ് ഈ വാഹനങ്ങൾ വാങ്ങാൻ കൂടുതൽ ആളുകൾ രംഗത്ത് എത്തുന്നത്. എന്നാൽ പരിസ്ഥിതി സംരക്ഷണത്തിന്റെ ഭാഗമാകാൻ വേണ്ടി ഇലക്ട്രിക് വാഹനങ്ങളിലേക്ക് മാറിയവരുമുണ്ട്.

കഴിഞ്ഞ ഒരു വർഷത്തിനിടെ രാജ്യത്തെ ഇ വി വാഹനങ്ങൾ വാങ്ങുന്നവരുടെ എണ്ണത്തിൽ വൻ വർധവ് രേഖപ്പെടുത്തി എന്നാണ് അധികൃതർ തന്നെ പറയുന്നത്. മറ്റ് ജി സി സി രാജ്യങ്ങളിലും സമാനമായ രീതിയിലാണ് ഇ വി വാഹനങ്ങളുടെ വിൽപ്പന. പ്രത്യേകിച്ച് ഖത്തർ,സൗദി അറേബ്യ പോലെയുള്ള രാജ്യങ്ങളിൽ വലിയൊരു ശതമാനം ആളുകളും ഇലക്ട്രോണിക് വാഹനങ്ങൾ വാങ്ങാൻ താല്പര്യം പ്രകടിപ്പിക്കുന്നു എന്നാണ് കണക്കുകൾ സൂചിപ്പിക്കുന്നത്.