അബുദാബി: ന​വ​ജാ​ത​ശി​ശു​ക്ക​ളിൽ ജ​നി​ത​ക പ​രി​ശോ​ധ​ന നടത്താനുള്ള പ​ദ്ധ​തി​ക്ക് ആരംഭിച്ചതായി ​അബുദാബി ആരോഗ്യ വകുപ്പ്. രോ​ഗ​പ്ര​തി​രോ​ധ​ശേ​ഷി​ക്കു​റ​വ്, ര​ക്ത​വൈ​ക​ല്യം, സ്‌​പൈ​ന​ല്‍ മ​സ്‌​കു​ലാ​ര്‍ അ​ട്രോ​ഫി (എ​സ് ​എം എ) പോ​ലു​ള്ള അ​പൂ​ര്‍വ രോ​ഗ​ങ്ങ​ള്‍ ഉ​ൾ​പ്പെ​ടെ 815ലേ​റെ ബാ​ല്യ​കാ​ല ജ​നി​ത​ക അ​വ​സ്ഥ​ക​ളെ ക​ണ്ടെ​ത്തു​ക​ എന്നതാണ് പദ്ധതിയിലൂടെ ലക്ഷ്യം വെക്കുന്നത്. ജി​നോം സീ​ക്വ​ന്‍സി​ങ് എന്ന പുതിയ സം​വി​ധാ​നം ഉ​പ​യോ​ഗി​ച്ചാ​ണ്​ പ​രി​ശോ​ധ​നകൾ നടത്തുന്നത്.

മാ​താ​പി​താ​ക്ക​ളു​ടെ അനുവാദത്തോടെ ജ​ന​ന​സ​മ​യ​ത്ത് പൊ​ക്കി​ള്‍ക്കൊ​ടി​യി​ലെ ര​ക്ത സാ​മ്പി​ളു​ക​ള്‍ ശേ​ഖ​രി​ച്ചാ​യി​രി​ക്കും പ​രി​ശോ​ധ​ന നടത്തുക. ഇത് വഴി കുഞ്ഞിന്റെ വിവിധ തരത്തിലുള്ള ജ​നി​ത​ക അ​വ​സ്ഥ​ക​ളെ കണ്ടെത്താനും ജീ​ന്‍ തെ​റ​പ്പി പോ​ലു​ള്ള ചി​കി​ത്സ​ക​ള്‍ വ​ഴി വിവിധ രോ​ഗ​ങ്ങ​ൾ ഭേ​ദ​പ്പെ​ടു​ത്താനും സാധിക്കും. ശേ​ഖ​രി​ക്കു​ന്ന സാ​മ്പി​ളു​ക​ളു​ടെ ഫ​ലം 21 ദി​വ​സ​ത്തി​നു​ള്ളി​ല്‍ ല​ഭി​ക്കും എന്നത് കൊണ്ട് തന്നെ അതിവേഗം തുടർ ചികിത്സ നടത്താൻ സാധിക്കും.

ജ​നി​ത​ക പ​രി​ശോ​ധ​നയിൽ പ്രശ്നങ്ങൾ ഉണ്ടെന്ന് കണ്ടെത്തിയാൽ തു​ട​ര്‍ ചികിത്സയ്ക്കായി മ​ള്‍ട്ടി ഡി​സി​പ്ലി​ന​റി സ്‌​പെ​ഷ​ലി​സ്റ്റു​ക​ളു​ടെ​ അ​ടു​ത്തേ​ക്ക് റ​ഫ​ര്‍ ചെ​യ്യും.

ശാ​സ്ത്ര​ത്തി​ന്‍റെ​യും സാ​ങ്കേ​തി​ക​വി​ദ്യ​യു​ടെ​യും സ​ഹാ​യ​ത്തോ​ടെ രോ​ഗ​ല​ക്ഷ​ണ​ങ്ങ​ള്‍ പ്രകടമാകും മുൻപ് തന്നെ ആ​രോ​ഗ്യ​സം​ര​ക്ഷ​ണം ആ​രം​ഭി​ക്കു​ക​ എന്നതാണ് പദ്ധതിയുടെ ലക്ഷ്യമെന്ന് ആ​രോ​ഗ്യ​വ​കു​പ്പ് അ​ണ്ട​ര്‍ സെ​ക്ര​ട്ട​റി ഡോ. ​നൂ​റ ഖ​മി​സ് അ​ള്‍ ഗൈ​തി പ​റ​ഞ്ഞു.

ആദ്യ ഘട്ടത്തിൽ കാ​നാ​ഡ് ആ​ശു​പ​ത്രി​യി​ലും ദാ​ന​ത്ത് അ​ല്‍ ഇ​മാ​റാ​ത്ത് ആ​ശു​പ​ത്രി​യി​ലു​മാ​ണ് ജ​നി​ത​ക പ​രി​ശോ​ധ​ന ആരംഭിച്ചിട്ടുണ്ട്.