മസ്കത്ത്: മ​ത്സ്യ​ബ​ന്ധ​ന ബോട്ട് ഉപയോഗിച്ച് വൻ തോതിൽ ലഹരി മരുന്ന് കടത്താനുള്ള ശ്രമം ഒമാൻ പൊലീസ് പരാജയപ്പെടുത്തി. സംഭവവുമായി ബന്ധപ്പെട്ട് രണ്ട് പേരെ അറസ്റ്റ് ചെയ്തു. പൊലിസിന് ലഭിച്ച രഹസ്യ വിവരത്തിന്റെ അടിസ്ഥാനത്തിൽ കോ​സ്റ്റ് ഗാ​ര്‍ഡിന്റെ സഹായത്തോടെയാണ് പരിശോധന നടത്തിയത്

വിവരം ലഭിച്ച ഉടൻ തന്നെ ഒ​മാ​ൻ സ​മു​ദ്രാ​തി​ര്‍ത്തി​യി​ല്‍ സുരക്ഷാ സേനകളുടെ പരിശോധന ആരംഭിച്ചിരുന്നു. അ​ന​ധി​കൃ​ത​മാ​യി ഒരു മ​ത്സ്യ​ബ​ന്ധ​ന​ ബോട്ട് സ​മു​ദ്രാ​തി​ര്‍ത്തി​ കടന്ന് വരുന്നത് ഇവരുടെ ശ്രദ്ധയിൽപ്പെട്ടിരുന്നു. തുടർന്ന് ഈ ബോട്ട് അധികൃതർ കസ്റ്റഡിയിൽ എടുക്കുകയും പരിശോധയിൽ 68,000 ലഹരി ഗു​ളി​ക​ക​ള്‍ കണ്ടെടുക്കുകയും ചെയ്തു. ബോട്ടിലുണ്ടായിരുന്ന രണ്ട് ഇറാൻ പൗരന്മാരെ സംഭവത്തിൽ പ്രതിയാക്കി റോ​യ​ൽ ഒ​മാ​ൻ പൊ​ലീ​സ് കേസ് രജിസ്റ്റർ ചെയ്തിട്ടുണ്ട്.

പ്ര​തി​ക​ള്‍ക്കെ​തി​രെ കർശന നി​യ​മ​ന​ട​പ​ടി​ക​ള്‍ സ്വീകരിക്കുമെന്ന് റോ​യ​ൽ ഒ​മാ​ൻ പൊ​ലീ​സ് അ​ധി​കൃ​ത​ർ വ്യ​ക്ത​മാ​ക്കി. ഇതിനു പിന്നിൽ പ്രവർത്തിച്ച മറ്റുള്ളവരെ കണ്ടെത്താനുള്ള ശ്രമവും ആരംഭിച്ചിട്ടുണ്ട്. കടൽ മാർഗം ലഹരി മരുന്ന് കടത്തുന്നത് വ്യാപകമായ സാഹചര്യത്തിൽ കർശന നീരീക്ഷണവും അധികൃതർ ഏർപ്പെടുത്തിയിട്ടുണ്ട്.