മനാമ: സാമ്പത്തിക ബാധ്യതകൾ തീർക്കാതെ രാ​ജ്യം വി​ടു​ന്ന​ പ്രവാസികൾക്കെതിരെ കർശന നടപടികൾ സ്വീകരിക്കാൻ നിയമഭേദഗതി വേണമെന്ന് ബഹ്‌റൈൻ എം പി മാർ. ഇതുമായി ബന്ധപ്പെട്ട പ്രമേയം പാർലമെന്റിൽ അവതരിപ്പിച്ചു. നിലവിലുള്ള നിയമങ്ങളിൽ കൂടുതൽ മാറ്റം വരുത്തി കുറ്റവാളികൾക്കെതിരെ കർശന നടപടി സ്വീകരിക്കണമെന്നാണ് സ്‌​ട്രാ​റ്റ​ജി​ക് തി​ങ്കി​ങ് ബ്ലോ​ക്കിലെ അംഗമായ ഖാ​ലി​ദ് ബു ​അ​ന​കി​ന്‍റെ നേ​തൃ​ത്വ​ത്തി​ലുള്ള എം പി​മാ​ർ അവതരിപ്പിച്ച പ്ര​മേ​യത്തിൽ പറയുന്നു.

വി​ദേ​ശ നി​ക്ഷേ​പ​ക​ർ, ഫ്ല​ക്‌​സി വി​സ​യി​ൽ ജോ​ലി ചെ​യ്യു​ന്ന​വ​ർ,തൊഴിൽ വിസയിൽ ജോലി ചെയ്യുന്നവർ ക​ട​ങ്ങ​ൾ തീ​ർ​ക്കാ​തെ രാ​ജ്യം വി​ടു​ന്ന​ത് വർധിച്ചു വരുന്നുണ്ട്. ബാ​ങ്ക് വാ​യ്പ തി​രി​ച്ച​ട​വു​ക​ൾ, വാ​ട​ക കു​ടി​ശ്ശി​ക, മറ്റ് പി​ഴ​ക​ൾ എ​ന്നി​വ​ അടയ്ക്കാതെയാണ് പലരും രാജ്യം വിടുന്നത്. ഇത് രാജ്യത്തിന്റെ വലിയ സാമ്പത്തിക നഷ്ടം ഉണ്ടാക്കുകയും നി​ക്ഷേ​പ​ക​രി​ലു​ള്ള വി​ശ്വാ​സം ഇ​ല്ലാ​താ​ക്കു​ക​യും ചെയ്യുമെന്ന് എം പി മാർ പറഞ്ഞു.

ക​മേ​ഴ്‌​സ്യ​ൽ ര​ജി​സ്‌​ട്രേ​ഷ​ൻ വളെര എളുപ്പം ലഭിക്കുന്നതും ഫ്ലെ​ക്‌​സി വി​സ സം​വി​ധാ​ന​ത്തി​ൽ യാ​ത്രാ നി​യ​ന്ത്ര​ണ​ങ്ങ​ളി​ല്ലാ​ത്ത​തും ഇത്തരക്കാർക്ക് തട്ടിപ്പ് നടത്താനുള്ള സൗകര്യം ഒരുക്കുന്നുണ്ട്. ഇത് നിയന്ത്രിക്കാൻ പ്രവാസികൾ രാജ്യം വിടുന്നതിനു മുൻപ് രാ​ജ്യം വി​ടു​ന്ന​തി​നു മു​മ്പ് ക​ട​ങ്ങ​ൾ തീ​ർ​പ്പാ​ക്കി​യി​ട്ടു​ണ്ടെ​ന്ന് ഉ​റ​പ്പാ​ക്കാ​ൻ നി​യ​മ​പ​ര​മാ​യ പ​രി​ശോ​ധ​ന​ക​ൾ വേണമെന്നും അതിനു വേണ്ടി നിയമങ്ങളിൽ,ഭേദഗതി ചെയ്യണമെന്നും എം പിമാർ ആവശ്യപ്പെട്ടു.