മനാമ: രാജ്യത്തെ റോ​ഡു​ക​ളി​ൽ വാ​ഹ​ന​മോ​ടി​ക്കു​ന്ന​വ​ർ പ്ര​കോ​പ​ന​പ​ര​മാ​യ പെ​രു​മാ​റ്റ​ങ്ങ​ളും ദേ​ഷ്യ​വും നി​യ​ന്ത്രി​ക്ക​ണ​മെ​ന്ന് ബഹ്‌റൈൻ പൊലീസ്. അ​പ​ക​ട​മു​ണ്ടാ​കു​മ്പോ​ഴോ മറ്റ് സാഹചര്യങ്ങളിലോ ഡ്രൈ​വ​ർ​മാ​ർ നിയന്ത്രണം വിട്ട് പെരുമാറരുത്. ക്ഷമയോടെ സ​മാ​ധാ​ന​പ​ര​മാ​യി വാ​ഹ​ന​മോ​ടി​ക്ക​ണ​മെന്നും അധികൃതർ അഭ്യർത്ഥിച്ചു.

അടുത്തിടെ ബഹ്റൈനിൽ യുവാക്കൾ തമ്മിൽ റോഡിൽ വച്ച് വാക്ക് തർക്കം ഉണ്ടായി. ഇതേത്തുടർന്ന് ഇതിലൊരാൾ വാഹനമുപയോഗിച്ച് മ​റ്റേ​യാ​ളെ ഇടിച്ചു തെറിപ്പിച്ചു. ഗു​രു​ത​ര​മാ​യി പ​രി​ക്കേ​റ്റ യു​വാ​വി​നെ ഉടൻ തന്നെ ആശുപത്രയിൽ പ്രവേശിപ്പിച്ചു. ഇയാൾ ഇപ്പോഴും അപകട നില തരണം ചെയ്തിട്ടില്ല. പിന്നീട് വാഹനമോടിച്ച യുവാവിനെ പൊലീസ് അറസ്റ്റ് ചെയ്തു.

കേസിൽ കോടതി ഇയാളെ തടവ് ശിക്ഷയ്ക്ക് വിധിക്കുകയും ചെയ്തു. ഈ സംഭവത്തെത്തുടർന്നാണ് ക്ഷമയോടെ വേണം റോഡിലൂടെ വാഹനമോടിക്കുമ്പോൾ എന്ന് ബഹ്‌റൈൻ പൊലീസ് ഓർമ്മപ്പെടുത്തിയത്.

റോഡിലൂടെ വാഹനങ്ങൾ ഓടിക്കുമ്പോൾ ത​ർ​ക്ക​ങ്ങ​ൾ​ ഉണ്ടാകുന്നത് സാധാരണമാണ്. റോഡ് നിയമങ്ങൾ പാലിക്കാതെ വാഹനമോടിക്കുന്നതും ഹോൺ മുഴക്കി പ്രകോപിക്കുന്നതുമെല്ലാം സ്ഥിരമായി കണ്ടു വരുന്ന കാഴ്ചകളാണ്. ഈ സമയത്ത് പ്ര​കോപി​തരാകരുത്. പകരം ശാന്തമായി പ്രശ്‌നം പരിഹരിക്കുക. അല്ലെങ്കിൽ 999 എന്ന നമ്പറിൽ വി​ളി​ച്ച് പൊ​ലീ​സി​നെ വിവരം അ​റി​യി​ക്കു​ക. തുടർനടപടികൾ പൊലീസ് സ്വീകരിക്കുമെന്നും അധികൃതർ വ്യക്തമാക്കി.