ദുബൈ: യുഎഇ ദിര്‍ഹത്തിനെതിരെ ഇന്ത്യന്‍ രൂപയുടെ മൂല്യം സമീപകാലത്തെ ഏറ്റവും താഴ്ന്ന നിലയിലേക്ക് എത്തി. ഇതോടെ നാട്ടിലേക്ക് നാട്ടിലേക്ക് പണ, അയയ്ക്കുന്ന പ്രവാസികള്‍ക്ക് ഓരോ ദിര്‍ഹത്തിനും മികച്ച മൂല്യമാണ് ലഭിക്കുക. ഇതോടെ ഗള്‍ഫിലെ ഇന്ത്യക്കാരുടെ പണം അയക്കല്‍ കുത്തനെ ഉയര്‍ന്നു.

യുഎഇ ദിര്‍ഹത്തിനെതിരെ ഇന്ത്യന്‍ രൂപയുടെ മൂല്യം 26.08 എന്ന റെക്കോര്‍ഡ് ഇടിവാണ് രേഖപ്പെടുത്തിയത്. ഇതോടെ വലിയൊരു ട്രാന്‍സ്ഫര്‍ വിന്‍ഡോയാണ് പ്രവാസികള്‍ക്കായി തുറക്കപ്പെട്ടത്. ഇന്ത്യന്‍ രൂപ, ഫിലിപ്പീന്‍ പെസോ, പാക്കിസ്ഥാന്‍ രൂപ തുടങ്ങിയവ സമീപകാലത്തെ ഏറ്റവും താഴ്ന്ന നിരക്കുകളിലെത്തി.

ആഗോളതലത്തിലുണ്ടായ സാമ്പത്തിക പ്രതിസന്ധികളും രാഷ്ട്രീയ സമ്മര്‍ദങ്ങളുമാണ് കറന്‍സികളുടെ മൂല്യം ഇടിയാന്‍ കാരണമായത്. ഡോളറുമായി ബന്ധിപ്പിച്ചിട്ടുള്ള കറന്‍സിയായതിനാല്‍ യുഎസ് ഡോളറിലുണ്ടാകുന്ന ചലനങ്ങള്‍ ദിര്‍ഹത്തിലും പ്രതിഫലിക്കുന്നുണ്ട്. ചൊവ്വാഴ്ച യുഎസ് ഡോളറിനെതിരെ രൂപയുടെ മൂല്യം 96.88 രൂപയായി കുറഞ്ഞു.