മനാമ: വ്യാപാര സ്ഥാ​പ​ന​ങ്ങ​ൾക്കുള്ളിൽ തൊ​ഴി​ലാ​ളി​ക​ൾ താമസിക്കുന്നതിനെതിരെ മുന്നറിയിപ്പുമായി മു​നി​സി​പ്പ​ൽ കൗ​ൺ​സി​ല​ർ​മാ​ർ. ഇത്തരം പ്രവർത്തികൾ വ​ർ​ധി​ച്ചു വരുന്നുണ്ട്. ഇതുമായി ബന്ധപ്പെട്ട് നിരവധി പരാതികൾ ജനങ്ങളിൽ നിന്ന് ലഭിച്ചു.

തീ​പി​ടി​ത്ത സാ​ധ്യ​ത, ആ​രോ​ഗ്യ​പ​ര​മാ​യ പ്രശ്നങ്ങൾ, മു​നി​സി​പ്പ​ൽ-​തൊ​ഴി​ൽ നി​യ​മ​ലം​ഘ​ന​ങ്ങ​ൾ എ​ന്നി​വ പരിഗണിച്ചാണ് അടിയന്തരമായി മുന്നറിയിപ്പ് നൽകുന്നതെന്ന് മു​നി​സി​പ്പ​ൽ കൗ​ൺ​സി​ല​ർ​മാ​ർ അറിയിച്ചു.

റ​സ്റ്റാ​റ​ന്റു​ക​ൾ, ക​ഫേ​ക​ൾ, ബേ​ക്ക​റി​ക​ൾ, ഡി​പ്പാ​ർ​ട്ട്‌​മെ​ന്റ് സ്റ്റോ​റു​ക​ൾ, ബു​ക്ക്‌​ഷോ​പ്പു​ക​ൾ, തു​ട​ങ്ങിയ വി​വി​ധ സ്ഥാ​പ​ന​ങ്ങ​ളി​ൽ പ്ര​വാ​സി തൊ​ഴി​ലാ​ളി​ക​ൾ രാത്രി കിടന്നുറങ്ങുന്നതായി ശ്രദ്ധയിൽപ്പെട്ടിട്ടുണ്ട്. ഇ​തൊ​രു വ​ലി​യ അ​പ​ക​ടം സൃഷ്ട്ടിക്കാനും തൊ​ഴി​ലാ​ളി​ക​ളുടെ ജീവൻ അ​പ​ക​ട​ത്തിലാക്കാനും സാ​ധ്യ​ത​യു​ണ്ടെ​ന്ന് സൗ​ത്തേ​ൺ മു​നി​സി​പ്പ​ൽ കൗ​ൺ​സി​ൽ ചെ​യ​ർ​മാ​ൻ അ​ബ്ദു​ല്ല അ​ബ്ദു​ല്ല​ത്തീ​ഫ് പ​റ​ഞ്ഞു.

ഗ്യാ​സ് സി​ലി​ണ്ട​റു​ക​ൾ, ഇ​ല​ക്ട്രി​ക്ക​ൽ ഉ​പ​ക​ര​ണ​ങ്ങ​ൾ, എ​ളു​പ്പം തീ​പി​ടി​ക്കു​ന്ന വ​സ്തു​ക്ക​ൾ എ​ന്നി​വ​ റെ​സ്റ്റാ​റ​ന്റു​ക​ളി​ലും ക​ഫേ​ക​ളി​ലും ഉണ്ട്‌. ഏതെങ്കിലും സാഹചര്യത്തിൽ ഒരു തീപിടുത്തം ഉണ്ടായാൽ വൻ ദുരന്തമായി അത് മാറിയേക്കും. അത് ഒഴിവാക്കാൻ തൊഴിലാളികളും ബന്ധപ്പെട്ടവരും തയ്യാറാകണം എന്നും ചെ​യ​ർ​മാ​ൻ വ്യക്തമാക്കി.