ദുബൈ: യു എ ഇയിൽ മൂന്ന് ദിവസം സർക്കാർ-സ്വകാര്യ മേഖലകളിലെ ജീവനക്കാർക്ക് അവധി. പ്രവാചകൻ മുഹമ്മദ് നബിയുടെ ജന്മദിനം പ്രമാണിച്ച് സെപ്റ്റംബർ 5-ന് അവധി പ്രഖ്യാപിച്ചിരുന്നു. ഇതോടെ വാരാന്ത്യ അവധി കൂടെ ചേർത്ത് മൂന്ന് ദിവസമാകും അവധി ലഭിക്കുക.

സ്വകാര്യ-പൊതു മേഖലകളിലെ ജീവനക്കാർക്ക് ശമ്പളത്തോടെയുള്ള അവധി ആയിരിക്കുമെന്ന് മാനവ വിഭവശേഷി മന്ത്രാലയം അറിയിച്ചു. യു എ ഇയിൽ 2025 ഓഗസ്റ്റ് 23 ന് മാസം കാണാത്തതിനെ തുടർന്ന് ഇസ്‌ലാമിക കലണ്ടറിലെ മൂന്നാം മാസമായ റബീഉൽ അവ്വൽ കഴിഞ്ഞ ദിവസം (25) അരംഭിച്ചിരുന്നു. അതുകൊണ്ടാണ് റബി അൽ അവ്വൽ 12 സെപ്റ്റംബർ 5-ന് വരുന്നത്.

ഇറാഖ്, സൗദി അറേബ്യ, ഖത്തർ, ബഹ്റൈൻ, കുവൈത്ത്, പലസ്തീൻ, ഈജിപ്ത്, ടുണീഷ്യ എന്നീ രാജ്യങ്ങളിൽ ഓഗസ്റ്റ് 24 ന് റബീ ഉൽ അവ്വൽ ആരംഭിച്ചു. ഇന്ത്യ, ബംഗ്ലാദേശ്, പാകിസ്ഥാൻ, ഇറാൻ തുടങ്ങിയ ഏഷ്യൻ രാജ്യങ്ങളിലും ഓഗസ്റ്റ് 25 തിങ്കളാഴ്ച മുതൽ റബീഉൽ അവ്വൽ ആരംഭിച്ചിരുന്നു.