ചെന്നൈ: നടനും തമിഴക വെട്രികഴകം (ടിവികെ) നേതാവുമായ വിജയ്ക്ക് കേന്ദ്ര സർക്കാർ വൈ-കാറ്റ​ഗറി സുരക്ഷയൊരുക്കിയതിൽ ദുരൂഹത ആരോപിച്ച് എഡിഎംകെ. ബിജെപിയുടെ രാഷ്ട്രീയ നീക്കമാണിതെന്ന് എഡിഎംകെ മുതിർന്ന നേതാവ് കെപി മുനുസാമി പറഞ്ഞു.

സുരക്ഷാഭീഷണിയുണ്ടെങ്കിൽ സുരക്ഷ നൽകണം. എന്നാല്‍ ഇത് നടനെ സന്തോഷിപ്പിക്കാനുള്ള ബിജെപി നീക്കമാണ് നടക്കുന്നതെന്നും അദ്ദേഹം പറഞ്ഞു. വിജയ് രാഷ്ട്രീയത്തിൽ ഇറങ്ങിയതിനെ തുടർന്നുള്ള സുരക്ഷാഭീഷണി പരി​ഗണിച്ചാണ് കേന്ദ്ര ആഭ്യന്തര മന്ത്രാലയത്തിന്റെ നടപടിയെന്നാണ് വിവരം. രണ്ട് കമാൻഡോകളടക്കം എട്ട് സായുധസേനാം​ഗങ്ങൾ താരത്തിന് സുരക്ഷയൊരുക്കും.

ആശുപത്രിയില്‍ വൈദ്യുതി നിലച്ചു, മുറിവ് തുന്നിക്കെട്ടിയത് മൊബൈല്‍ ഫോണിന്റെ ടോര്‍ച്ച് വെളിച്ചത്തില്‍

അതേസമയം വിജയ്‌യുടെ ജീവന് ഭീഷണിയുണ്ടെന്ന് നിരവധി ഏജൻസികൾ കണ്ടെത്തിയിട്ടും സംസ്ഥാന സർക്കാർ താരത്തിന് സുരക്ഷയൊരുക്കാൻ തയ്യാറായില്ലെന്ന് തമിഴ്നാട് സംസ്ഥാന ബിജെപി അധ്യക്ഷൻ അണ്ണാമലൈ കുപ്പുസാമി പറഞ്ഞു. തമിഴ്‌നാട്ടിൽ എക്‌സ്, വൈ, ഇസഡ് കാറ്റഗറി സുരക്ഷാ സംവിധാനങ്ങളുണ്ടെന്നും അണ്ണാമലൈ പറഞ്ഞു.