ന്യൂഡൽഹി: ദേശീയ ഹജ്ജ് കമ്മിറ്റി ചെയർമാനായി ബിജെപി നേതാവ് എപി അബ്ദുള്ളക്കുട്ടിയെ തിരഞ്ഞെടുത്തു. ബിജെപി ദേശീയ വൈസ് പ്രസിഡന്റാണ് അബ്ദുള്ളക്കുട്ടി.

ഇതാദ്യമായി രണ്ട് വനിതകളെ ഹജ്ജ് കമ്മിറ്റി വൈസ് ചെയർപേഴ്സൺമാരായും തിരഞ്ഞെടുത്തു. മുനവരി ബീഗവും മഫൂജ ഖാതൂണുമാണ് വൈസ് ചെയർപേഴ്‌സൺമാർ.

ഹജ്ജ് കമ്മിറ്റി നിയമം വകുപ്പ് അനുസരിച്ച് കേന്ദ്ര സർക്കാരിന്റെ പ്രതിനിധിയായാണ് അബ്ദുള്ളക്കുട്ടി തിരഞ്ഞെടുക്കപ്പെട്ടത്.

സംസ്ഥാന ഹജ്ജ് കമ്മിറ്റി ചെയർമാൻ സി മുഹമ്മദ് ഫൈസിയെ കേന്ദ്ര ഹജ്ജ് കമ്മിറ്റി അംഗമായും തിരഞ്ഞെടുത്തു. 2025 മാർച്ച് 31 വരെ കാലാവധിയുള്ള കമ്മിറ്റിയിലേക്കാണ് കേരളത്തിൽ നിന്നുള്ള പ്രതിനിധിയായി മുഹമ്മദ് ഫൈസിയെ ഉൾപ്പെടുത്തിയത്.

ഈ വാർത്ത വായിക്കാം

പരീക്ഷാ ഹാളിൽ ഹിജാബ് അനുവദിച്ചില്ല; 12-ാം ക്ലാസ് പരീക്ഷ ബഹിഷ്‌കരിച്ച് വിദ്യാർഥിനികൾ

സമകാലിക മലയാളം ഇപ്പോൾ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾ അറിയാൻ ക്ലിക്ക് ചെയ്യൂ