ന്യൂഡല്‍ഹി: മുതിര്‍ന്ന മാധ്യമ പ്രവര്‍ത്തകനും ബിജെപിയുടെ മുന്‍ രാജ്യസഭാംഗവുമായ ചന്ദന്‍ മിത്ര അന്തരിച്ചു. 65 വയസ്സായിരുന്നു. മകന്‍ കുശാന്‍ മിത്രയാണ് മരണ വിവരം അറിയിച്ചത്. കുറച്ചു നാളായി പിതാവ് അസുഖബാധിതനായിരുന്നുവെന്ന് കുശാന്‍ പറഞ്ഞു.

പയനീര്‍ പത്രത്തിന്റെ എഡിറ്റര്‍ ആയിരിക്കെയാണ് ബിജെപി ചന്ദന്‍ മിത്രയെ രാജ്യസഭാംഗമാക്കിയത്. എല്‍കെ അഡ്വാനിയുമായി അടുപ്പം പുലര്‍ത്തുന്ന ആളായാണ് അദ്ദേഹം അറിയപ്പെട്ടത്. 

ചന്ദന്‍ മിത്രയുടെ വിയോഗത്തില്‍ പ്രധാനമന്ത്രി നരേന്ദ്ര മോദി അനുശോചിച്ചു.