ന്യൂഡല്ഹി: രാജ്യത്തിന്റെ നന്മക്ക് ജാതി സെന്സസ് അനിവാര്യമാണെന്ന് രാഹുല് ഗാന്ധി എം.പി. ജാതി സെന്സസുമായി മുന്നോട്ടു പോകാനാണ് കോണ്ഗ്രസ് തീരുമാനം. ഇക്കാര്യം കോണ്ഗ്രസ് വര്ക്കിങ് കമ്മിറ്റി അംഗീകരിച്ചതായും അദ്ദേഹം വ്യക്തമാക്കി. തെരഞ്ഞെടുപ്പ് പ്രഖ്യാപനത്തിന് പിന്നാലെ മാധ്യമങ്ങളെ കാണുകയായിരുന്നു അദ്ദേഹം.
വരുന്ന തെരഞ്ഞെടുപ്പില് ജാതി സെന്സസ് പ്രധാന പ്രചാരണ വിഷയമാക്കാന് കോണ്ഗ്രസ് പ്രമേയം പാസാക്കി. രാജ്യത്തിന്റെ നന്മക്ക് അത് അനിവാര്യമാണ്. സെന്സസ് പ്രാവര്ത്തികമാക്കാന് പ്രധാനമന്ത്രിക്ക് കഴിവില്ല. കോണ്ഗ്രസിന്റെ നാല് മുഖ്യമന്ത്രിമാരില് മൂന്നു പേരും ഒബിസി വിഭാഗത്തിലുള്ളവരാണ്. 10 ബിജെപി മുഖ്യമന്ത്രിമാരില് ഒരു മുഖ്യമന്ത്രി മാത്രമാണ് ഒബിസി വിഭാഗത്തില് നിന്നുള്ളതെന്ന് ഓര്ക്കണമെന്നും രാഹുല് ഗാന്ധി പറഞ്ഞു.
കോണ്ഗ്രസ് ഭരിക്കുന്ന മറ്റ് സംസ്ഥാനങ്ങളില് സെന്സസ് നടപ്പാക്കാനാണ് ആലോചിക്കുന്നത്. പുരോഗമനപരമായ ഒരു കാഴ്ചപ്പാടാണ് തീരുമാനമെന്നാണ് വിശ്വാസം. ഇന്ത്യാ സഖ്യത്തിലെ ഭൂരിപക്ഷം പാര്ട്ടികളും അനുകൂലമാണെന്നും രാഹുല് പറഞ്ഞു.
വാർത്ത കൂടി വായിക്കൂ
സമകാലിക മലയാളം ഇപ്പോൾ വാട്സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates