ശ്രീനഗര്‍: പൂഞ്ചിലെ നിയന്ത്രണമേഖലയില്‍ നുഴഞ്ഞുകയറാന്‍ ശ്രമിച്ച മൂന്ന് ഭീകരരെ സൈന്യം വധിച്ചു. ഭീകരരില്‍ നിന്ന് സൈന്യം ആയുധങ്ങളും പിടിച്ചെടുത്തതായാണ് റിപ്പോര്‍ട്ടുകള്‍.
പൂഞ്ച് സെക്ടറിലെ നിയന്ത്രണരേഖയുടെ സമീപം ഭീകരവാദികളുടെ നുഴഞ്ഞുകയറ്റ ശ്രമം സൈന്യത്തിന്റെ ശ്രദ്ധയില്‍പ്പെട്ടതോടെ ഭീകരര്‍ സൈന്യത്തിന് നേരെ വെടിയുതിര്‍ക്കുകയായിരുന്നു. തുടര്‍ന്നുണ്ടായ ഏറ്റുമുട്ടലില്‍ സൈന്യം ഭീകരരെ കൊലപ്പെടുത്തുകയായിരുന്നു.
ഒരാളുടെ മൃതദേഹം കണ്ടെത്തിയതായി സൈന്യം അറിയിച്ചു. ഭീകരരില്‍ നിന്ന് രണ്ട് എകെ 47 തോക്കുകളും ഒരു പിസ്റ്റളും കണ്ടെടുത്തു. മറ്റ് ഭീകരരുടെ മൃതദേഹം കണ്ടെടുക്കാനുള്ള ശ്രമം ആരംഭിച്ചിട്ടുണ്ട്. കൂടുതല്‍ ഭീകരര്‍ പ്രദേശത്തുണ്ടോയെന്ന് വിലയിരുത്തുന്നതിനായി സൈന്യത്തില്‍ തിരച്ചില്‍ നടക്കുകയാണ്. കഴിഞ്ഞ മൂന്ന് ദിവസത്തനിടെ കശ്മീരിലെ വിവിധമേഖലകളിലായി ഏഴുപേരെ സൈന്യം വധിച്ചിരുന്നു.
ഈ വാര്‍ത്ത കൂടി വായിക്കൂ ഗുജറാത്തില്‍ രണ്ടുഘട്ട വോട്ടെടുപ്പ്; ഫലപ്രഖ്യാപനം ഡിസംബര്‍ എട്ടിന്
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കു ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates