ബെഗുസരായ്: ബിഹാറിലെ ബെഗുസരായിയില്‍ മാധ്യമപ്രവര്‍ത്തകനെ വെടിവെച്ചു കൊന്നു. സുഭാഷ് കുമാര്‍ മഹ്‌തോയെന്ന ആളാണ് കൊല്ലപ്പെട്ടത്. കുടുംബത്തോടൊപ്പം ഡിന്നര്‍ കഴിഞ്ഞ് മടങ്ങിവരവെ വീടിന് സമീപത്തുവെച്ചാണ് സുഭാഷിന് വെടിയേറ്റത്. 

അക്രമികള്‍ കടന്നുകളഞ്ഞു. ബിഹാറിലെ മദ്യ മാഫിയയെ കുറിച്ച് റിപ്പോര്‍ട്ട് ചെയ്തതിന് പിന്നിലെ വൈരാഗ്യമാണ് കൊലയ്ക്ക് കാരണമെന്നാണ് പ്രാഥമിക നിഗമനം. 

അജ്ഞാതരായ ആളുകള്‍ സുഭാഷിന് അടുത്തെത്തി തലയില്‍ വെടിയുതിര്‍ക്കുകയായിരുന്നു എന്ന് ദൃക്‌സാക്ഷികള്‍ പറഞ്ഞു. ബിഹാറിലെ പ്രാദേശിക പത്രങ്ങള്‍ക്കും ചാനലുകള്‍ക്കും വേണ്ടി സുഭാഷ് മദ്യ മാഫിയകളെ കുറിച്ച് വാര്‍ത്തകള്‍ തയ്യാറാക്കി നല്‍കിയിരുന്നു.

ഈ വാര്‍ത്ത കൂടി വായിക്കാം അസമിലും 'ബുള്‍ഡോസര്‍ ഒഴിപ്പിക്കല്‍'; ജനക്കൂട്ടം പൊലീസ് സ്റ്റേഷന്‍ കത്തിച്ച സംഭവം; വീടുകള്‍ പൊളിച്ചുമാറ്റി ജില്ലാ ഭരണകൂടം

സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ