കരയിലും മരത്തിന്റെ മുകളില്‍ കയറിയും ഇരയെ പിടികൂടാന്‍ പുലിക്ക് പ്രത്യേക കഴിവാണ്. മരത്തിന്റെ മുകളിലേക്ക് ഇരയെ വലിച്ചുകൊണ്ടുപോയി ഭക്ഷിക്കാനാണ് പുലിക്ക് ഏറെ ഇഷ്ടം. ഇപ്പോള്‍ മരത്തിന്റെ മുകളിലേക്ക് വലിഞ്ഞുകയറിയ ശേഷം ഒരു മരത്തില്‍ നിന്ന് മറ്റൊരു മരത്തിലേക്ക് ഒരു അഭ്യാസിയെ പോലെ ചാടുന്ന പുലിയുടെ ദൃശ്യങ്ങളാണ് വൈറലാകുന്നത്.

വണ്ടര്‍ ഓഫ് സയന്‍സ് എന്ന ട്വറ്റര്‍ ഹാന്‍ഡിലില്‍ നിന്നാണ് വീഡിയോ പങ്കുവെച്ചത്. കേരളത്തിന്റെ അതിര്‍ത്തിപ്രദേശമായ തമിഴ്‌നാട്ടിലെ വാല്‍പ്പാറയില്‍ നിന്നുള്ളതാണ് ദൃശ്യങ്ങള്‍. മരത്തിന്റെ മുകളിലേക്ക് പുലി പിടിച്ചുകയറുന്നതാണ് വീഡിയോയുടെ തുടക്കം. തുടര്‍ന്ന് ഒരു മരത്തില്‍ നിന്ന് മറ്റൊന്നിലേക്ക് ഒരു അഭ്യാസിയെ പോലെ പുലി ചാടുന്നതാണ് വീഡിയോയെ വേറിട്ടതാക്കുന്നത്. 

നിരന്തരം പുലിയുടെ ഭീഷണി നേരിടുന്ന പ്രദേശമാണ് വാല്‍പ്പാറ. പുലിയുടെ ആക്രമണത്തില്‍ ജീവന്‍ നഷ്ടപ്പെട്ട സംഭവം വരെ വാല്‍പ്പാറയില്‍ ഉണ്ടായിട്ടുണ്ട്.

ഈ വാര്‍ത്ത കൂടി വായിക്കൂ 

'റോക്കറ്റ് വേഗത'; ഇരയെ ഓടിച്ചിട്ട് പിടിക്കുന്ന ചീറ്റ- വൈറല്‍ വീഡിയോ

സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ