ഭോപാൽ: വിവാഹ ദിനത്തിൽ വരനെ ബുൾഡോസറിൽ കല്ല്യാണമണ്ഡപത്തിലേക്കെത്തിച്ച  ഡ്രൈവർക്കെതിരെ കേസ്. മധ്യപ്രദേശിലെ ബേതുൽ ജില്ലയിലാണ് സംഭവം. ബുൾഡോസറിൽ എത്തിയ വരന്റെ വിഡിയോ സോഷ്യൽമീഡിയയിലാകെ വൈറലായിരിക്കുകയാണ്.

വിവാഹ ഘോഷയാത്രയിൽ സാധാരണ കാറും ജീപ്പുമൊക്കെയാണ് വധൂവരന്മാരുടെ പതിവ് വാഹനം. ചിലർ ആനപ്പുറത്തും കുതിരപ്പുറത്തും വരും. സിവിൽ എഞ്ചിനീയറായ അങ്കുഷ് ജയ്‌സ്വാൾ ആണ് വിവാഹദിനത്തിൽ ബുൾഡോസറിൽ എത്തിയത്. ബന്ധുക്കളായ രണ്ട് സ്ത്രീകൾ ഇയാളെ അനു​ഗമിക്കുകയും ചെയ്തു. ഇതിന്റെ ചിത്രങ്ങളും വിഡിയോകളും സോഷ്യൽ മീഡിയയിൽ വൈറലാണ്. 
‍
ജെസിബി യന്ത്രങ്ങൾ വാണിജ്യാവശ്യത്തിനുള്ളതാണ്, ആളുകളെ കൊണ്ടുപോകാൻ ഉപയോഗിക്കാൻ കഴിയില്ല. മോട്ടോർ വാഹന നിയമം ലംഘിച്ചതിന് ഡ്രൈവർക്ക് 5,000 രൂപ പിഴ ചുമത്തിയതായി പൊലീസ് പറഞ്ഞു. മോട്ടോർ വാഹന നിയമത്തിലെ 39/192 (1) വകുപ്പുകൾ ലംഘിച്ചതിനാണ് പിഴ. ജെസിബി ഡ്രൈവറായ രവി ബരാസ്കർക്കെതിരെയാണ് കേസെടുത്തത്.  

ഈ വാര്‍ത്ത കൂടി വായിക്കൂ

കണ്ടിട്ട് കൊതിയടക്കാൻ പറ്റാഞ്ഞിട്ടാ; ടിവി സ്ക്രീനിൽ കണ്ട ഇറച്ചി നക്കി നായ; വൈറൽ വിഡിയോ

സമകാലിക മലയാളം ഇപ്പോള്‍ വാട്ടസ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ