ന്യൂഡല്‍ഹി: പ്രധാനമന്ത്രി നരേന്ദ്രമോദി ചൈനയിലേക്ക്. ഓഗസ്റ്റ് 31 മുതല്‍ സെപ്റ്റംബര്‍ ഒന്നുവരെ നടക്കുന്ന എസ് സിഒ ഉച്ചകോടിയില്‍ പ്രധാനമന്ത്രി പങ്കെടുക്കും. ഗാല്‍വന്‍ സംഘര്‍ഷത്തിനുശേഷമുള്ള മോദിയുടെ ആദ്യസന്ദര്‍ശനമാണിത്.
യുഎസ് തീരുവ തര്‍ക്കത്തിനിടെയുള്ള നരേന്ദ്ര മോദിയുടെ ചൈനീസ് സന്ദര്‍ശനം നിര്‍ണായകമാകുമെന്നാണ് വിലയിരുത്തല്‍. 2019ലാണ് മോദി അവസാനമായി ചൈന സന്ദര്‍ശിച്ചത്. എസ് സിഒ ഉച്ചകോടിയില്‍ സുരക്ഷ, ഭീകരത, വ്യാപാരം തുടങ്ങിയ നിരവധി വിഷയങ്ങള്‍ ചര്‍ച്ചയാകും.
ഉച്ചകോടിക്കിടെ റഷ്യന്‍ പ്രസിഡന്റ് പുടിനും ചൈനീസ് പ്രസിഡന്റ് ഷി ജിന്‍പിങ്ങുമായി അനൗപചാരിക കൂടിക്കാഴ്ച ഉണ്ടായേക്കും. നേരത്തെ, 2024 ഒക്ടോബറില്‍, കസാനില്‍ നടന്ന ബ്രിക്‌സ് ഉച്ചകോടിയില്‍ പ്രധാനമന്ത്രി മോദിയും ഷി ജിന്‍പിങ്ങും കൂടിക്കാഴ്ച നടത്തിയിരുന്നു. തുടര്‍ന്ന്, ഇരു രാജ്യങ്ങളും തമ്മിലുള്ള അതിര്‍ത്തി സംഘര്‍ഷങ്ങള്‍ കുറഞ്ഞിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates