പട്ന: ബിഹാറില് നടക്കുന്ന 'വോട്ടര് അധികാര്' യാത്രയ്ക്കിടെ ലോക്സഭാ പ്രതിപക്ഷ നേതാവ് രാഹുല് ഗാന്ധി സഞ്ചരിച്ച തുറന്ന ജീപ്പ് ഇടിച്ച് പൊലീസുകാരന് പരിക്ക്. നവാഡയിലെ തിരക്കേറിയ തെരുവിലാണ് പൊലീസുകാരന്റെ കാലിലേയ്ക്ക് ജീപ്പ് ഇടിച്ചു കയറിയത്. കോണ്ഗ്രസ് അനുയായികളും പൊലീസുകാരും ഉടന് തന്നെ വാഹനം പിന്നിലേയ്ക്ക് തള്ളിമാറ്റി പൊലീസുകാരനെ രക്ഷപ്പെടുത്തി.
ജീപ്പിന്റെ ചക്രങ്ങള്ക്കടിയില് നിന്ന് മോചിതനായ ശേഷം പൊലീസുകാരന് മുടന്തി ഓടുന്നത് ദൃശ്യങ്ങളില് കാണാം. രാഹുല് ഗാന്ഘി കുപ്പിവെള്ളം പൊലീസുകാരന് നല്കിയ ശേഷം അനുയായികളോട് അദ്ദേഹത്തിന് വേണ്ട കാര്യങ്ങള് ചെയ്തു നല്കാന് ആവശ്യപ്പെട്ടു.
പൊലീസ് കോണ്സ്റ്റബിള് രാഹുല് ഗാന്ധിയുടെ ജീപ്പിനടിയില് ചതഞ്ഞു പോയെന്ന് ആരോപിച്ച് ബിജെപി രംഗത്തെത്തി. പൊലീസുകാരനെ ഇടിച്ചു തെറിപ്പിച്ച ശേഷം രാജകുമാരന് അദ്ദേഹത്തെ പരിശോധിക്കാന് പോലും ജീപ്പിന് പുറത്തിറങ്ങിയില്ലെന്നും ബിജെപി വക്താവ് ഷെഹ്സാദ് പൂനെവാല പറഞ്ഞു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates