ബംഗലൂരു : സജീവ രാഷ്ട്രീയത്തിലേക്ക് ഇറങ്ങുമെന്ന് പ്രഖ്യാപിച്ച സൂപ്പര്‍ സ്റ്റാര്‍ രജനീകാന്ത് അനുഗ്രഹം തേടി സഹോദരന്റെ വീട്ടിലെത്തി. സഹോദരന്‍ സത്യനാരായണയുടെ ബംഗലൂരുവിലെ വസതിയിലെത്തിയാണ് രജനി അനുഗ്രഹം തേടിയത്. 

പുതിയ രാഷ്ട്രീയ പാര്‍ട്ടി രൂപീകരിക്കുമെന്ന് കഴിഞ്ഞ വ്യാഴാഴ്ചയാണ് താരം പ്രഖ്യാപിച്ചത്. ഡിസംബര്‍ 31 ന് പുതിയ പാര്‍ട്ടി പ്രഖ്യാപിക്കുമെന്നും ജനുവരിയില്‍ പാര്‍ട്ടി പ്രവര്‍ത്തനം ആരംഭിക്കുമെന്നാണ് സൂപ്പര്‍ താരം അറിയിച്ചത്. 

തമിഴ്‌നാട്ടില്‍ അധികാരം പിടിക്കുമെന്നും, സത്യസന്ധവും സംശുദ്ധവുമായ ഭരണം കാഴ്ചവെക്കുമെന്നും രജനീകാന്ത് പ്രസ്താവിച്ചിരുന്നു. രാഷ്ട്രീയപാര്‍ട്ടി പ്രഖ്യാപനവുമായി ബന്ധപ്പെട്ട് രജനി ആരാധക സംഘടനയുമായി ചര്‍ച്ച നടത്തിയിരുന്നു.