ഹൈദരബാദ്: നാളെ രാജ്യസഭ അംഗത്വം രാജിവയ്ക്കുമെന്ന് വൈഎസ്ആര്‍ കോണ്‍ഗ്രസിന്റെ മുതിര്‍ന്ന നേതാവ് വി വിജയസായി റെഡ്ഡി. എക്‌സില്‍ പങ്കുവച്ച കുറിപ്പിലാണ് രാഷ്ട്രീയം മതിയാക്കുന്ന കാര്യം എംപി പങ്കുവച്ചത്. താന്‍ മറ്റൊരു പാര്‍ട്ടിയിലും ചേരില്ലെന്നും അദ്ദേഹം പറഞ്ഞു.

'ഞാന്‍ രാഷ്ട്രീയം വിടുകയാണ്. നാളെ (ജനുവരി 25)ന് രാജ്യസഭാംഗത്വം രാജിവയ്ക്കും. ഒരു രാഷ്ട്രീയ പാര്‍ട്ടിയിലും ചേരില്ല. ഒരു സ്ഥാനമോ, ആനുകൂല്യങ്ങളോ പണമോ പ്രതീക്ഷിച്ചല്ല രാജിയെന്നും ഇത് പൂര്‍ണമായും എന്റെ വ്യക്തിപരമായ തീരുമാനമാണ് - എംപി എക്‌സില്‍ കുറിച്ചു.

പതഞ്ജലി ഉല്‍പ്പന്നങ്ങള്‍ വാങ്ങിയവര്‍ തിരിച്ചു നല്‍കും; തിരിച്ചു വിളിച്ചത് 4 ടണ്‍ മുളകു പൊളി

രാജിവയ്ക്കാന്‍ ആരില്‍ നിന്നും സമ്മര്‍ദ്ദമുണ്ടായിരുന്നില്ലെന്നും ആരും തന്നെ സ്വാധിനിച്ചിട്ടില്ലെന്നും കുറിപ്പില്‍ പറയുന്നു. വൈഎസ്ആര്‍ കോണ്‍ഗ്രസിനെ പ്രതിനീധികരിച്ച് രണ്ട് തവണ വിജയസായി രാജ്യസഭയിലെത്തിയിട്ടുണ്ട്. ജഗന്‍ മോഹന്‍ റെഡ്ഡിയുടെ പാര്‍ട്ടിയിലെ മുതിര്‍ന്ന നേതാക്കളില്‍ ഒരാളാണ് വിജയസായി റെഡ്ഡി.