അയോധ്യ: ആ നിമിഷം തന്റെ കണ്ണുകളില്‍ സന്തോഷത്തിന്റെ കണ്ണുനീരുണ്ടായിരുന്നുവെന്നും വാക്കുകളില്‍ വിവരിക്കാന്‍ കഴിയില്ലെന്നും ഗായകനും സംഗീത സംവിധായകനുമായ ഹരിഹരന്‍. അയോധ്യയിലെ പ്രാണപ്രതിഷ്ഠാ ചടങ്ങിന് ശേഷം പ്രതികരിക്കുകയായിരുന്നു അദ്ദേഹം. 

'എന്റെ കണ്ണുകളില്‍ സന്തോഷത്തിന്റെ കണ്ണുനീര്‍ ഉണ്ടായിരുന്നു ... ഈ നിമിഷം എനിക്ക് വാക്കുകളില്‍ വിവരിക്കാന്‍ കഴിയില്ല, ഇവിടെ എല്ലാവരും വളരെ സന്തോഷത്തിലാണെന്നും ഹരിഹരന്‍ പ്രതികരിച്ചു. ക്രീം നിറമുള്ള കുര്‍ത്തയാണ് അദ്ദേഹത്തിന്റെ വേഷം. 'സബ്‌നേ തുംഹെന്‍ പുകാര ശ്രീ റാം ജി' എന്ന ഭക്തിഗാനമാണ് ഹരിഹരന്‍ ചടങ്ങിന് മുന്നോടിയായി ആലപിച്ചത്. 

380ഃ250 അടിയുള്ള ക്ഷേത്രം പരമ്പരാഗത ഉത്തരേന്ത്യന്‍ നാഗര ശൈലിയിലാണ് നിര്‍മ്മിച്ചിരിക്കുന്നത്. ഇതിന്റെ 392 തൂണുകളിലും 44 വാതിലുകളിലും ചുവരുകളിലും ദേവീദേവന്മാരുടെ കൊത്തുപണികളുണ്ട്. 

ഈ വാർത്ത കൂടി വായിക്കൂ

'ശ്രീരാമൻ മിഴിതുറന്നു'; അയോധ്യാ പ്രാണപ്രതിഷ്ഠാ ചടങ്ങില്‍ മുഖ്യ യജമാനനായി മോദി, മോഹന്‍ ഭാഗവത് ഒപ്പം- വീഡിയോ

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ