ചെന്നൈ: തേനി പെരിയകുളത്ത് ടൂറിസ്റ്റ് ബസും കാറും കൂട്ടിയിടിച്ച് മൂന്ന് മലയാളികള് മരിച്ചു. കോട്ടയം കുറവിലങ്ങാട് സ്വദേശികളായ ജെയിന് തോമസ്, സോണിമോന് കെ ജെ, ജോബിന് തോമസ് എന്നിവരാണ് മരിച്ചത്. അപകടത്തില് പി ജി ഷാജിയെന്ന വ്യക്തിക്ക് ഗുരുതരമായി പരിക്കേറ്റു. അപകടത്തില് 18 പേര്ക്ക് പരിക്കേറ്റിട്ടുണ്ട്.
ഇന്ന് പുലര്ച്ചെയാണ് അപകടമുണ്ടായത്. ഏര്ക്കാട് എന്ന സ്ഥലത്തേക്ക് പോവുകയായിരുന്നു മിനി ബസ്. തേനിയിലേക്ക് പോവുകയായിരുന്നു മാരുതി ഓള്ട്ടോ കാര്. കൂട്ടിയിടിയില് കാര് പൂര്ണമായി തകര്ന്നു. ബസ് റോഡില് തലകീഴായി മറിഞ്ഞു. കാറില് നാല് പേരാണ് ഉണ്ടായിരുന്നത്. മൂന്ന് പേര് സംഭവ സ്ഥലത്ത് തന്നെ മരിച്ചു. ഒരാള്ക്ക് ഗുരുതരമായി പരിക്കേറ്റു.
അപകടത്തില് ടൂറിസ്റ്റ് ബസില് സഞ്ചരിച്ച 18 പേര്ക്ക് പരിക്കേറ്റിട്ടുണ്ട്. പരുക്കേറ്റവരെ തേനി മെഡിക്കല് കോളജില് പ്രവേശിപ്പിച്ചു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates