ന്യൂഡല്ഹി; ഡല്ഹിയില് യുവതിയെ കൊന്ന് വെട്ടിനുറുക്കിയ നിലയില്. സറൈ കലെ ഖാന് മേഖലയിലാണ് പല കഷ്ണങ്ങളാക്കിയ നിലയില് യുവതിയുടെ മൃതദേഹം കണ്ടെത്തിയത്. പോളിത്തീന് കവറിലാക്കിയ നിലയിലായിരുന്നു മൃതദേഹം. കൊല്ലപ്പെട്ട യുവതിയെ തിരിച്ചറിയാനായിട്ടില്ല.
സറൈ കലെ ഖാനിലെ റാപ്പിഡ് മെട്രോയുടെ നിർമാണത്തിലിരിക്കുന്ന പ്രദേശത്തിന് സമീപമാണ് മൃതദേഹം കണ്ടെത്തിയത്. ശനിയാഴ്ച ഉച്ചയോടെ പ്ലാസ്റ്റിക് കിറ്റില് നിന്ന് ദുര്ഗന്ധം വമിക്കാന് തുടങ്ങിയതോടെ പ്രദേശവാസികള് പൊലീസിനെ അറിയിക്കുകയായിരുന്നു. യുവതിയുടെ തലയോട്ടിയും കയ്യിന്റേയും ഇടുപ്പിന്റേയും ഭാഗങ്ങളും ഒരു കൈപ്പത്തിയുമാണ് വെള്ള പോളിത്തീന് കവറിലാക്കിയ നിലയില് കണ്ടെത്തിയത്. സംഭവത്തില് പൊലീസ് കൊലപാതക കേസെടുത്ത് അന്വേഷണം ആരംഭിച്ചു.
കഴിഞ്ഞ വര്ഷമാണ് ഡല്ഹിയില് ലിവിങ് പങ്കാളിയെ കൊന്ന് കഷ്ണങ്ങളാക്കി പല സ്ഥലങ്ങളില് ഉപേക്ഷിച്ച കേസില് 28കാരനായ അഫ്താബ് പൂനവാല അറസ്റ്റിലാവുന്നത്. ശ്രദ്ധ വാക്കര് എന്ന യുവതിയെ കൊലപ്പെടുത്തി 35 കഷ്ണങ്ങളാക്കി മുറിച്ച് പല ഭാഗങ്ങളില് ഉപേക്ഷിക്കുകയായിരുന്നു. ഇത് വലിയ വാര്ത്തയായിരുന്നു.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates