ന്യൂഡല്‍ഹി: ഇന്ത്യന്‍ പാസ്‌പോര്‍ട്ടില്‍ ഇനി ഇംഗ്ലീഷിനൊപ്പം ഹിന്ദിയുമുണ്ടാകും. കേന്ദ്ര വിദേശകാര്യ മന്ത്രി സുഷമ സ്വരാജാണ് ഇക്കാര്യം വ്യക്തമാക്കിയത്. 

ഇതുകൂടാതെ, എട്ട് വയസില്‍ താഴെ പ്രായമുള്ള കുട്ടികള്‍ക്കും, 60 വയസിന് മുകളില്‍ പ്രായമുള്ള മുതിര്‍ന്നവര്‍ക്കുമുള്ള പാസ്‌പോര്‍ട്ട് ഫീയില്‍ കേന്ദ്ര സര്‍ക്കാര്‍ ഇളവ് വരുത്തിയിട്ടുണ്ട്. 10 ശതമാനമാണ് ഇളവ് പ്രഖ്യാപിച്ചിരിക്കുന്നത്.

നിലവില്‍ ഇംഗ്ലീഷ് ഭാഷയാണ് രാജ്യത്തെ പൗരന്മാര്‍ക്ക് അനുവദിക്കുന്ന പാസ്‌പോര്‍ട്ടില്‍ ഉപയോഗിക്കുന്നത്. 1967ലെ പാസ്‌പോര്‍ട്ട് ആക്റ്റിന്റെ 50 വര്‍ഷം ആഘോഷമാക്കുന്നതിന്റെ  പശ്ചാത്തലത്തിലാണ് വിദേശകാര്യ മന്ത്രാലയം പുതിയ മാറ്റങ്ങള്‍ കൊണ്ടുവരുന്നത്.