ശ്രീനഗര്‍: ജമ്മു കശ്മീരിലെ ഷോപ്പിയാന്‍ മേഖലയിലുണ്ടായ ഏറ്റുമുട്ടലില്‍ സൈന്യം നാല് ഭീകരരെ വധിച്ചു. ഇന്ന് പുലര്‍ച്ചെയായിരുന്നു
ഏറ്റുമുട്ടല്‍. മൂന്ന് സൈനികര്‍ പരുക്കേറ്റതായാണ് റിപ്പോര്‍ട്ടുകള്‍. 

സൈനികമേഖലയില്‍ തീവ്രവാദികള്‍ സംഘടിച്ചിട്ടുണ്ടെന്ന വിവരം ലഭിച്ചതിന്റെ അടിസ്ഥാനത്തില്‍ നടത്തിയ തിരച്ചിലിനിടെയാണ് ആക്രമണം ഉണ്ടായത്. സൈനികര്‍ക്ക് നേരെ തീവ്രവാദികള്‍ വെടിയുതിര്‍ത്തതോടെ സൈന്യം തിരിച്ചടിക്കുകായിരുന്നു. ഏറ്റുമുട്ടലില്‍ നാല് ഭീകരരെ സൈന്യം കൊലപ്പെടുത്തി.

റൊബാന്‍ മേഖലയില്‍ ഇന്നലെ ഉണ്ടായ ഏറ്റുമുട്ടിലില്‍ സൈന്യം അഞ്ച് ഭീകരരെ വധിച്ചിരുന്നു. ഇതിന് 12 കിലോ മീറ്റര്‍ അകലെയാണ് ഇന്ന് രാവിലെ ഏറ്റുമുട്ടല്‍ ഉണ്ടായത്. ഇതോട 24 മണിക്കൂറിനുള്ളില്‍ 9 ഭീകരരെ സൈന്യം വധിച്ചു