ന്യൂഡല്ഹി: ഡല്ഹിയില് വാഹനങ്ങളില് ഉപയോഗിക്കുന്ന ഇന്ധനം ഏതെന്നു തിരിച്ചറിയാന് കഴിയുംവിധം സ്റ്റിക്കറുകള് പതിപ്പിക്കാനുള്ള കേന്ദ്ര നിര്ദേശത്തിന് സുപ്രിം കോടതിയുടെ അനുമതി. പെട്രോള്, സിഎന്ജി ഇന്ധനങ്ങള് ഉപയോഗിക്കുന്ന വാഹനങ്ങളില് നീലയും ഡീസല് വാഹനങ്ങളില് ഓറഞ്ചും നിറങ്ങളിലുള്ള ഹോളോഗ്രാം സ്റ്റിക്കറുകള് പതിപ്പിക്കാനാണ് നിര്ദേശം.
സെപ്റ്റംബര് 30ഓടെ പുതിയ സംവിധാനം നടപ്പിലാക്കാന് കേന്ദ്ര റോഡ്, ഹൈവേ മന്ത്രാലയത്തിന് കോടതി നിര്ദേശം നല്കി. ഇലക്ട്രിക്, ഹൈബ്രിഡ് വാഹനങ്ങള്ക്ക് പച്ച നമ്പര് പ്ലേറ്റുകള് ഉപയോഗിക്കുന്ന കാര്യം പരിഗണിക്കണമെന്നും നിര്ദേശമുണ്ട്.
ഡല്ഹിയിലെയും ദേശീയ തലസ്ഥാന പ്രദേശത്തെയും മലിനീകരണ പ്രശ്നം പരിഗണിച്ചുകൊണ്ടാണ് കോടതി നടപടി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates