ലക്‌നൗ: ഉത്തര്‍പ്രദേശിലെ ലക്‌നൗ കോടതിയില്‍ സ്‌ഫോടനം. രണ്ട് അഭിഭാഷകര്‍ക്ക് പരിക്കേറ്റു. മൂന്ന് ബോംബുകള്‍ കണ്ടെടുത്തു.സ്‌ഫോടനം സംബന്ധിച്ച് കൂടുതല്‍ വിവരങ്ങള്‍ ലഭ്യമായിട്ടില്ല.

അഭിഭാഷകന്‍ സഞ്ജീവ് ലോധിക്ക് നേരെയാണ് ബോംബ് എറിഞ്ഞതെന്നാണ് റിപ്പോര്‍ട്ടുകള്‍. സംഭവത്തില്‍ സഹപ്രവര്‍ത്തകനായ അഭിഭാഷകനെതിരെ ആരോപണവുമായി സഞ്ജീവ് ലോധി രംഗത്തുവന്നു. അഭിഭാഷകനായ ജിത്തു യാദവാണ് ഇതിന് പിന്നിലെന്നാണ് സഞ്ജീവ് ലോധിയുടെ ആരോപണം.

സംഭവം അറിഞ്ഞ് സ്ഥലത്തെത്തിയ പൊലീസ് അന്വേഷണം ആരംഭിച്ചു. കോടതി പരിസരത്ത് നിന്നുമാണ് മറ്റു ബോംബുകള്‍ കണ്ടെടുത്തത്.