ഭോപ്പാല്‍: തനിക്കെതിരെ നിര്‍ത്താന്‍ മറ്റാരെയും കിട്ടാതിരുന്നതിനാലാണ് സാധ്വി പ്രഗ്യാസിങിനെ ബിജെപി കൂട്ടിക്കൊണ്ട് വന്നതെന്ന് ദിഗ് വിജയ് സിങ്. ബിജെപിക്ക് വേറൊരാളും ഇല്ലാതെ പോയെന്നും അദ്ദേഹം പരിഹസിച്ചു. 

വിവാദ പരാമര്‍ശത്തെ തുടര്‍ന്ന് പ്രഗ്യാ സിങിന് തെരഞ്ഞെടുപ്പ് കമ്മീഷന്‍ മൂന്ന് ദിവസത്തേക്ക് വിലക്കേര്‍പ്പെടുത്തിയിരുന്നു. വിലക്ക് തീരുന്നത് വരെ തെരഞ്ഞെടുപ്പ് പ്രചാരണത്തില്‍ പങ്കെടുക്കരുതെന്നാണ് കര്‍ശന നിര്‍ദ്ദേശം. എന്നാല്‍ പ്രഗ്യാസിങ് ഇത്തരം വിവാദങ്ങള്‍ തുടരണമെന്നാണ് തന്റെ ആഗ്രഹമെന്നും അതോടെ തന്റെ ജയം അനിഷേധ്യമായി ഉറപ്പിക്കാനാവുമെന്നും മുതിര്‍ന്ന കോണ്‍ഗ്രസ് നേതാവ് കൂടിയായ അദ്ദേഹം കൂട്ടിച്ചേര്‍ത്തു.