ന്യൂഡൽഹി : പ്രശസ്ത ഷൂട്ടിങ് താരം ശ്രേയസി സിങ് ബിജെപിയിൽ ചേർന്നു. ബിജെപി ദേശീയ ആസ്ഥാനത്ത് പാർട്ടിയധ്യക്ഷൻ ജെ പി നഡ്ഡയാണ് ശ്രേയസിക്ക് അംഗത്വം നൽകിയത്. മുൻ കേന്ദ്രമന്ത്രി ദി​ഗ് വിജയ് സിങ്ങിന്റെ മകളായ ശ്രേയസി ബിഹാർ നിയമസഭാ തിരഞ്ഞടുപ്പിൽ ബിജെപി സ്ഥാനാർഥിയായേക്കുമെന്നാണ് സൂചന.

ചന്ദ്രശേഖർ-വാജ്‌പേയി സർക്കാരുകളിൽ കേന്ദ്രമന്ത്രിയായിരുന്നു ദി​ഗ് വിജയ് സിങ്. ബിഹാറിലെ ജാമുയി ജില്ലയിലെ ഗിധാവുർ സ്വദേശിനിയായ ശ്രേയസി 2018-ൽ ഓസ്‌ട്രേലിയയിൽ നടന്ന കോമൺവെൽത്ത് ഗെയിംസിൽ ഷൂട്ടിങ്ങിൽ സ്വർണമെഡൽ നേടിയിരുന്നു. 

ആ വർഷം തന്നെ അർജുന അവാർഡും ലഭിച്ചു. പിതാവ് ദിഗ്‌വിജയ് സിങ്‌ ദേശീയ റൈഫിൾ അസോസിയേഷന്റെ പ്രസിഡന്റായിരുന്നു.