ലോകകപ്പ് സെമി ഫൈനലില്‍ ഇംഗ്ലണ്ടിനെ തോല്‍പ്പിച്ച് അര്‍ജന്റീന ഫൈനലില്‍ കടന്നു. ഇറാനുമേല്‍ ആക്രമണം കടുപ്പിച്ച് അമേരിക്ക. ഇറാന്‍ ചര്‍ച്ചകള്‍ക്ക് സന്നദ്ധമായില്ലെങ്കില്‍ കടുത്ത ആക്രമണം ഉണ്ടാകുമെന്ന് ട്രംപ് മുന്നറിയിപ്പ് നല്‍കി. നെന്മാറ ഇരട്ടക്കൊലക്കേസില്‍ പ്രതി ചെന്താമരയുടെ ശിക്ഷ ഇന്ന് വിധിച്ചേക്കും. ഇന്നത്തെ 5 പ്രധാന വാര്‍ത്തകള്‍ ( Top 5 News Today ) അറിയാം.

ലോകകപ്പ് സെമി ഫൈനലില്‍ ഇംഗ്ലണ്ടിനെ തോല്‍പ്പിച്ച് അര്‍ജന്റീന ഫൈനലില്‍ കടന്നു. അറ്റ്‌ലാന്റയില്‍ നടന്ന മൂന്നാം ലോകമഹായുദ്ധമെന്ന് വിശേഷിപ്പിക്കാവുന്ന മത്സരത്തില്‍ ഇംഗ്ലണ്ടിനെ തകര്‍ത്താണ് അര്‍ജന്റീനയുടെ ഫൈനല്‍ പ്രവേശം. ഒന്നിനെതിരെ രണ്ടു ​ഗോളുകൾ‌ക്കാണ് ലോകചാംപ്യന്മാരുടെ വിജയം. 84-ാം മിനിറ്റു വരെയും ഒരു ​ഗോളിന് പിന്നിൽ നിന്ന് അർജന്റീന തുടരെ രണ്ടു ​ഗോളുകൾ അടിച്ചാണ് ഫൈനലിലേക്ക് മാർച്ച് ചെയ്തത്.

പശ്ചിമേഷ്യയിലെ സംഘർഷാവസ്ഥ കൂടുതൽ രൂക്ഷമാകുന്നു.ഇറാനിലെ വിവിധ നഗരങ്ങളെയും തുറമുഖങ്ങളെയും ലക്ഷ്യമിട്ട് അമേരിക്ക വീണ്ടും വ്യോമാക്രമണം നടത്തി. ആക്രമണത്തിൽ ഇതുവരെ 35 പേർ കൊല്ലപ്പെടുകയും മുന്നൂറിലധികം പേർക്ക് പരിക്കേൽക്കുകയും ചെയ്തതായി ഇറാൻ ആരോഗ്യ മന്ത്രാലയം അറിയിച്ചു. ഇറാന്‍ ചര്‍ച്ചകള്‍ക്ക് സന്നദ്ധമായില്ലെങ്കില്‍ കടുത്ത ആക്രമണം ഉണ്ടാകുമെന്ന് ട്രംപ് മുന്നറിയിപ്പ് നല്‍കി.

നെന്മാറ ഇരട്ടക്കൊലക്കേസില്‍ പ്രതി ചെന്താമരയുടെ ശിക്ഷ ഇന്ന് വിധിക്കും. പാലക്കാട് ജില്ലാ അഡീഷണല്‍ സെഷന്‍സ് കോടതിയാണ് വിധി പ്രസ്താവിക്കുന്നത്. ജില്ലാ നിയമസഹായവേദിയുടെ മിറ്റിഗേഷന്‍ റിപ്പോര്‍ട്ട് ഇന്ന് കോടതിയില്‍ സമര്‍പ്പിക്കും. റിപ്പോര്‍ട്ട് പരിഗണിച്ച ശേഷമാകും കോടതി കേസില്‍ വിധി പറയുക. കഴിഞ്ഞദിവസം കോടതി പ്രതി ചെന്താമര കുറ്റക്കാരനാണെന്ന് കണ്ടെത്തിയിരുന്നു.

സഭാതര്‍ക്കം പരിഹരിക്കുക തന്റെ സ്വപ്നമാണെന്ന മുഖ്യമന്ത്രി വി ഡി സതീശന്റെ നിലപാടിനെ സ്വാഗതം ചെയ്ത് ഓര്‍ത്തഡോക്‌സ് സഭ. വ്യവഹാരരഹിത സഭ എന്ന മുദ്രാവാക്യമാണ് എക്കാലവും മലങ്കര സഭ മുന്നോട്ടുവെച്ചിട്ടുള്ളത്. മലങ്കരസഭയുടെ ചിരകാല സ്വപ്നത്തെ അങ്ങും ചിറകിലേറ്റുന്നു എന്നത് പ്രത്യാശാനിര്‍ഭരമാണെന്നും ഓര്‍ത്തഡോക്‌സ് സഭയുടെ പ്രസ്താവനയില്‍ കുറിച്ചു. നിയമവകുപ്പ് കൂടി കൈകാര്യം ചെയ്യുന്ന മുഖ്യമന്ത്രിക്ക് കോടതി വിധികളുടെ യഥാര്‍ഥ അന്തസത്ത ഉള്‍ക്കൊണ്ട് ഈ വിഷയത്തില്‍ ശാശ്വതമായ ഒരു പ്രശ്‌നപരിഹാരം കണ്ടെത്താന്‍ സാധിക്കുമെന്നാണ് വിശ്വാസമെന്നും സഭ പറയുന്നു. 

ദീർഘകാലമായി ആലോചിച്ചിരുന്ന ഒരു തീരുമാനം നടപ്പിലാക്കും. യാത്രകൾ ഗുണകരമാകും. പുതിയ പരിചയങ്ങൾ ഭാവിയിൽ പ്രയോജനം ചെയ്യും. പ്രവർത്തനങ്ങളിൽ ആത്മവിശ്വാസം വർധിക്കും. മുടങ്ങിക്കിടന്ന രേഖകൾ പൂർത്തിയാക്കാൻ കഴിയും. വ്യാപാര ഇടപാടുകളിൽ അനുകൂല സാഹചര്യം ഉണ്ടാകും. പുതിയ ആശയങ്ങൾ പ്രാവർത്തികമാക്കും. സുഹൃത്തുക്കളുടെ സഹകരണം ലഭിക്കും.