തിരുവനന്തപുരം: കേരള, മംഗള, കുർള എക്സ്പ്രസുകളുടെ പുറപ്പെടുന്നസമയത്തിൽ ഇന്നുമുതൽ മാറ്റം വരുത്തുമെന്ന് റെയിൽവേ അറിയിച്ചു. തിരുവനന്തപുരം - ന്യൂഡൽഹി കേരള എക്സ്പ്രസ് ഉച്ചയ്ക്ക് 12.20നാണ് ഇന്നുമുതൽ യാത്ര ആരംഭിക്കുന്നത്. ന്യൂഡൽഹിയിൽ നിന്ന് തിരുവനന്തപുരത്തേക്ക് പുറപ്പെടുന്ന ട്രെയിൻ രാവിലെ 11.20-ന് പകരം രാത്രി 8.10-നാണ് പുറപ്പെടുക. രണ്ടാം ദിവസം രാത്രി 10.10-ന് തിരുവനന്തപുരത്തെത്തും. 

എറണാകുളത്തുനിന്ന് നിസാമുദീനിലേക്കുള്ള മംഗള എക്സ്‌പ്രസ് ഇന്നുമുതൽ ഉച്ചയ്ക്ക് 1.25നാണ് പുറപ്പെടുന്നത്. ‍നിസാമുദ്ദീനിൽ നിന്ന് പുറപ്പെടുന്ന ട്രെയിൻ രാവിലെ 5.40-ന് യാത്ര ആരംഭിച്ച് മൂന്നാം ദിവസം രാവിലെ ഏഴരയ്ക്ക് എറണാകുളത്തെത്തും. ഡൽഹിയിൽ നിന്ന് കേരളത്തിലേക്കുള്ള മംഗളയ്ക്ക് കാഞ്ഞങ്ങാട്, നീലേശ്വരം, പഴയങ്ങാടി, വടകര, കൊയിലാണ്ടി, ഫറോക്ക്, പരപ്പനങ്ങാടി, കുറ്റിപ്പുറം എന്നീ സ്റ്റോപ്പുകൾ ഉണ്ടാവില്ല. എന്നാൽ ഡൽഹിയിലേക്കുള്ള മംഗളയ്ക്ക് ഈ സ്റ്റോപ്പുകൾ പഴയതു പോലെ തുടരും. 

തിരുവനന്തപുരത്തുനിന്ന് പുറപ്പെടുന്ന മുംബയ് ലോകമാന്യതിലകിലേക്കുള്ള നേത്രാവതി(കുർള) എക്സ്പ്രസിന്റെ സമയം 9.15ഉം ആയിരിക്കും.