മുട്ടില്‍ മരംമുറി കേസില്‍ വനം വകുപ്പ് നല്‍കിയ കുറ്റപത്രം ബത്തേരി കോടതി തള്ളി. മുഖ്യ തെരഞ്ഞെടുപ്പ് കമ്മീഷണര്‍ ഗ്യാനേഷ് കുമാറിന്റെ ഉത്തരവുകള്‍ റദ്ദാക്കണമെന്ന് ബോംബെ ഹൈക്കോടതിയില്‍ ഹര്‍ജി. ഇറാന്‍ വിമാനങ്ങള്‍ക്ക് വിലക്കേര്‍പ്പെടുത്തി യുഎഇ. സംസ്ഥാനത്ത് കനത്ത മഴ തുടരും. ഇന്നത്തെ 5 പ്രധാന വാര്‍ത്തകള്‍ ( Top 5 News Today ) അറിയാം.

മുട്ടില്‍ മരംമുറിക്കേസില്‍ അഗസ്റ്റിന്‍ സഹോദരന്മാര്‍ക്കെതിരെ വനംവകുപ്പ് നല്‍കിയ കുറ്റപത്രം കോടതി മടക്കി. സുല്‍ത്താന്‍ ബത്തേരി ഫസ്റ്റ് ക്ലാസ് മജിസ്‌ട്രേറ്റ് കോടതിയുടേതാണ് നടപടി. ആവശ്യമായ രേഖകള്‍ കുറ്റപത്രത്തില്‍ ഇല്ലെന്ന് ചൂണ്ടിക്കാട്ടിയാണ് നടപടി. വനത്തില്‍ നിന്നാണോ മരംമുറിച്ചതെന്ന് കുറ്റപത്രത്തില്‍ വ്യക്തതയില്ലെന്നും കോടതി ചൂണ്ടിക്കാട്ടുന്നു.

മുഖ്യ തെരഞ്ഞെടുപ്പ് കമ്മീഷണര്‍ ഗ്യാനേഷ് കുമാര്‍ എടുത്ത തീരുമാനങ്ങള്‍ റദ്ദാക്കണമെന്ന് ആവശ്യപ്പെട്ട് ഹര്‍ജി. ബോംബെ ഹൈക്കോടതിയുടെ കോല്‍ഹാപ്പൂര്‍ ബെഞ്ചിലാണ് ഹര്‍ജി. തെരഞ്ഞെടുപ്പ് കമ്മീഷണര്‍മാരുടെ എതിര്‍പ്പ് അവഗണിച്ച് ചീഫ് ഇലക്ഷന്‍ കമ്മീഷണര്‍ ഗ്യാനേഷ് കുമാര്‍ എടുത്ത തീരുമാനങ്ങള്‍ റദ്ദാക്കണമെന്നാണ് ഹര്‍ജിയിലെ ആവശ്യം. കഴിഞ്ഞ 10 മാസത്തിനിടെയുള്ള ഗ്യാനേഷ് കുമാറിന്റെ 14 തീരുമാനങ്ങള്‍ റദ്ദാക്കണമെന്നാണ് ഹര്‍ജിക്കാരന്‍ ആവശ്യപ്പെടുന്നത്. 

സംസ്ഥാനത്ത് ഇന്നും ഒറ്റപ്പെട്ട ശക്തമായ മഴയ്ക്ക് സാധ്യത. വടക്കന്‍ കേരളത്തിലാണ് കനത്ത മഴ മുന്നറിയിപ്പുള്ളത്. മലപ്പുറം, കോഴിക്കോട്, വയനാട്, കണ്ണൂര്‍, കാസര്‍കോട് വരെയുള്ള ജില്ലകളില്‍ യെല്ലോ അലര്‍ട്ട് പുറപ്പെടുവിച്ചിട്ടുണ്ട്. ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് പ്രവചിക്കപ്പെട്ടിരിക്കുന്നത്. വയനാട്ടില്‍ സാഹസിക വിനോദസഞ്ചാര കേന്ദ്രങ്ങളിലും ട്രക്കിങ്ങിനും ജില്ലാ ഭരണകൂടം വിലക്കേര്‍പ്പെടുത്തി.

പശ്ചിമേഷ്യന്‍ സംഘര്‍ഷത്തിനിടെ ഇറാന്‍ വിമാനകമ്പനികള്‍ക്ക് വിലക്കേര്‍പ്പെടുത്തി യുഎഇ. ഇന്ന് മുതല്‍ യുഎഇയില്‍ നിന്ന് ഇറാനിലേക്കോ തിരിച്ചോ ഇറാനി എയര്‍ലൈനുകളുടെ സര്‍വീസുകള്‍ വിലക്കിയതായി യുഎഇ അറിയിച്ചു. ഇറാന്‍-യുഎസ് സംഘര്‍ഷങ്ങള്‍ക്കിടെ ഇറാനെതിരെ സാമ്പത്തിക സമ്മര്‍ദ്ദം ശക്തമാക്കുന്നതിന്റെ ഭാഗമായാണ് യുഎഇയുടെ നീക്കം.

നേരത്തെ നൽകിയ അപേക്ഷയിൽ അനുകൂലമായ തീരുമാനം ഉണ്ടാകും. സഹപ്രവർത്തകന്റെ സഹായത്തോടെ മുടങ്ങിക്കിടന്ന ജോലി പൂർത്തിയാക്കും. വീട്ടിലേക്ക് ഗൃഹോപകരണങ്ങൾ വാങ്ങും. വളരെ നാളായി കാത്തിരുന്ന ഒരു അവസരം ലഭിക്കും. വ്യാപാരത്തിൽ പുതിയ ഇടപാടിന് തുടക്കമാകും. വീട്ടിൽ നടക്കുന്ന ചടങ്ങിന്റെ ഒരുക്കങ്ങളിൽ പങ്കെടുക്കും. സുഹൃത്തിൽനിന്ന് സഹായം ലഭിക്കും.