കേരളത്തിലെ മുഖ്യമന്ത്രി ആരെന്നതു സംബന്ധിച്ച് ഡല്‍ഹിയില്‍ ഇന്ന് നിര്‍ണായക ചര്‍ച്ചകള്‍ നടക്കും. നിയമസഭ തെരഞ്ഞെടുപ്പ് തോല്‍വിക്ക് ശേഷമുള്ള സിപിഎം സംസ്ഥാന നേതൃയോഗങ്ങള്‍ക്ക് ഇന്ന് തുടക്കം. തമിഴ്‌നാട് നിയമസഭയില്‍ വിജയ്‌ന്റെ നേതൃത്വത്തിലുള്ള ടിവികെ സര്‍ക്കാര്‍ നിയമസഭയില്‍ ഇന്ന് ആദ്യ പരീക്ഷണം നേരിടും. സ്പീക്കര്‍, ഡെപ്യൂട്ടി സ്പീക്കര്‍ തെരഞ്ഞെടുപ്പ് ഇന്ന് നടക്കും. ഇന്നത്തെ 5 പ്രധാന വാര്‍ത്തകള്‍ ( Top 5 News Today ) അറിയാം.

കേരളത്തിലെ മുഖ്യമന്ത്രി ആരെന്നതു സംബന്ധിച്ച് ഡല്‍ഹിയില്‍ ഇന്ന് നിര്‍ണായക ചര്‍ച്ചകള്‍ നടക്കും. കെപിസിസി മുന്‍ അധ്യക്ഷന്‍മാരുടെ നിലപാട് കോണ്‍ഗ്രസ് ഹൈക്കമാന്‍ഡ് തേടും. ചര്‍ച്ചകള്‍ക്കായി മുന്‍ കെപിസിസി പ്രസിഡന്റുമാരായ കെ മുരളീധരന്‍, മുല്ലപ്പള്ളി രാമചന്ദ്രന്‍, വി എം സുധീരന്‍, എംഎം ഹസ്സന്‍, കെ സുധാകരന്‍ തുടങ്ങിയവരെ വിളിപ്പിച്ചിട്ടുണ്ട്. 

തമിഴ്‌നാട് നിയമസഭയില്‍ വിജയ്‌ന്റെ നേതൃത്വത്തിലുള്ള ടിവികെ സര്‍ക്കാര്‍ നിയമസഭയില്‍ ഇന്ന് ആദ്യ പരീക്ഷണം നേരിടും. സ്പീക്കര്‍, ഡെപ്യൂട്ടി സ്പീക്കര്‍ തെരഞ്ഞെടുപ്പ് ഇന്ന് നടക്കും. സ്പീക്കര്‍ സ്ഥാനത്തേക്ക് ടിവികെയുടെ സ്ഥാനാര്‍ത്ഥി ജെ സി ഡി പ്രഭാകര്‍ ആണ്. മൂന്നാം തവണ നിയമസഭയിലെത്തുന്ന പ്രഭാകര്‍, മുന്‍ എഐഎഡിഎംകെ നേതാവാണ്.

താരസംഘടനയായ അമ്മ (അസോസിയേഷൻ ഓഫ് മലയാളം സിനിമ ആർട്ടിസ്റ്റ്)യിൽ തൊഴിൽ പീഡനമെന്ന് പരാതി. ഓഫീസ് മാനേജറായിരുന്ന യുവതിയാണ് പരാതി നൽകിയത്. സംഘടനയുടെ ട്രഷറർ ആയ ഉണ്ണി ശിവപാൽ, ജനറൽ സെക്രട്ടറി കുക്കു പരമേശ്വരൻ എന്നിവർക്കെതിരെയാണ് യുവതിയുടെ പരാതി. യുവതിയുടെ പരാതിയിൽ നോർത്ത് പൊലീസ് അന്വേഷണം ആരംഭിച്ചു.

തമിഴ് മണ്ണിൽ രാഷ്ട്രീയ വിപ്ലവം തീർത്ത വിജയ്‌യുടെ വിജയഗാഥയാണ് ഇപ്പോൾ ഇന്ത്യയൊട്ടാകെ ചർച്ചയാകുന്നത്. വെറും ആരാധകക്കൂട്ടം എന്ന് പരിഹസിച്ചവർക്ക് മുന്നിൽ തമിഴകത്തിന്റെ അധികാരക്കസേര പിടിച്ചെടുത്ത 'ദളപതി'ക്ക് സിനിമയ്ക്കുള്ളിൽ നിന്നും പുറത്തുനിന്നും അഭിനന്ദന പ്രവാഹമാണ്. വിജയ്‌യുടെ ഈ യാത്ര ഏതൊരാൾക്കും പ്രചോദനമാണെന്ന് പറയുകയാണ് സംവിധായകൻ ആർ ജെ ബാലാജി. 

സാമ്പത്തിക കാര്യങ്ങളിൽ കൂടുതൽ സ്ഥിരത കൈവരും. പുതിയ വാഹനം വാങ്ങാൻ തീരുമാനിക്കും. ചെറിയ യാത്രകൾക്ക് സാധ്യതയുണ്ട്. പൊതുവേ സമാധാനമുള്ള കാലമാണിത്. പ്രണയബന്ധത്തിൽ കൂടുതൽ ആത്മാർത്ഥത അ നുഭവപ്പെടും. സുഹൃത്തുക്കളുടെ പിന്തുണ യോടെ ഒരു പ്രധാന കാര്യം പൂർത്തിയാക്കാൻ കഴിയും. കലാപരമായ കഴിവുകൾക്ക് അംഗീകാരം ലഭിക്കാം.