സംസ്ഥാനത്ത് കാലവര്‍ഷം കനക്കുന്നു. ഇന്ന് 8 ജില്ലകളില്‍ ഓറഞ്ച് അലര്‍ട്ട്. മാസപ്പടി കേസില്‍ ഇഡി അന്വേഷണത്തിനെതിരെ സിഎംആര്‍എല്‍ നല്‍കിയ ഹര്‍ജിയില്‍ ഹൈക്കോടതി ഇന്ന് വിധി പ്രസ്താവിക്കും. ഇന്നത്തെ 5 പ്രധാന വാര്‍ത്തകള്‍ ( Top 5 News Today ) അറിയാം.

സംസ്ഥാനത്ത് കാലവര്‍ഷം കനക്കുന്നു. കേരളത്തില്‍ ഇന്ന് അതിശക്തമഴയുണ്ടാകുമെന്നാണ് അറിയിപ്പ്. എറണാകുളം മുതല്‍ കാസര്‍കോട് വരെ തീവ്രമഴയ്ക്ക് സാധ്യതയെന്നാണ് പ്രവചനം. എട്ടു ജില്ലകളില്‍ ഓറഞ്ച് അലര്‍ട്ട് പുറപ്പെടുവിച്ചു. എറണാകുളം, തൃശൂര്‍, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്‍, കാസര്‍കോട് ജില്ലകളിലാണ് ഓറഞ്ച് അലര്‍ട്ട് പുറപ്പെടുവിച്ചിട്ടുള്ളത്.

സിഎംആര്‍എല്‍- എക്‌സാലോജിക് സാമ്പത്തിക ഇടപാടു കേസില്‍ ഹൈക്കോടതി ഇന്ന് വിധി പ്രസ്താവിക്കും. ഇഡിയുടെ അന്വേഷണത്തിനെതിരെ സിഎംആര്‍എല്‍ കമ്പനി നല്‍കിയ അപ്പീലാണ് ജസ്റ്റിസുമാരായ എ രാജാ വിജയരാഘവന്‍, കെ വി ജയകുമാര്‍ എന്നിവരടങ്ങിയ ഡിവിഷന്‍ ബെഞ്ച് വിധി പ്രസ്താവിക്കുന്നത്.

കര്‍ണാടകയിലെ ഡികെ ശിവകുമാര്‍ സര്‍ക്കാരിലെ മന്ത്രിമാരുടെ വകുപ്പുകള്‍ നിശ്ചയിച്ചു. ധനകാര്യ വകുപ്പ് മുഖ്യമന്ത്രി ഡി കെ ശിവകുമാര്‍ വഹിക്കും. പ്രിയങ്ക് ഖാര്‍ഗേയ്ക്കാണ് ആഭ്യന്തര വകുപ്പിന്റെ ചുമതല. ബംഗലൂരു നഗരവികസന വകുപ്പ് ലഭിക്കാത്തതില്‍ രാമലിംഗ റെഡ്ഡി അതൃപ്തിയിലാണ്. ചോദിച്ച വകുപ്പ് ലഭിച്ചില്ലെങ്കില്‍ മന്ത്രിസ്ഥാനം രാജിവെക്കുമെന്നാണ് വൊക്കലിംഗ നേതാവായ രാമലിംഗ റെഡ്ഡി അറിയിച്ചിരിക്കുന്നത്.

സൂര്യകുമാർ യാ​ദവിന്റെ പകരക്കാരനായി ശ്രേയസ് അയ്യർ തന്നെ നായകനായി വരുമെന്നു റിപ്പോർട്ടുകൾ. ടി20 ഫോർമാറ്റിൽ ശ്രേയസിനെ നായകനായി ശനിയാഴ്ച പ്രഖ്യാപിക്കുമെന്നാണ് വിവരം. അയർലൻഡ്, ഇം​ഗ്ലണ്ട് പര്യടനങ്ങൾക്കുള്ള ടീമിനെ ശനിയാഴ്ച പ്രഖ്യാപിക്കും. വണ്ടർ കിഡ് വൈഭവ് സൂര്യവംശിയ്ക്ക് സീനിയർ ടീമിലേക്ക് വാതിൽ തുറക്കുമെന്നാണ് വിവരം.

പുതിയ അവസരങ്ങൾ ലഭിക്കും. സാമ്പത്തിക കാര്യങ്ങളിൽ അനുകൂലമായ പുരോഗതി ഉണ്ടാ കും. കുടുംബാംഗങ്ങളുടെ പിന്തുണ ആത്മവി ശ്വാസം വർധിപ്പിക്കും. വീട് മോടി പഠിപ്പിക്കും. ദീർഘകാലമായി കാത്തിരുന്ന ഒരു കാര്യം അനു കൂലമായി തീരും. പുതിയ ആളുകളുമായി പരിച യം സ്ഥാപിക്കാൻ അവസരം ലഭിക്കും. യാത്രകൾ ഗുണകരമാകും. ആരോഗ്യം മെച്ചപ്പെടും.