തൃശൂര്‍ പൂരം കലക്കലുമായി ബന്ധപ്പെട്ട ക്രൈംബ്രാഞ്ച് അന്വേഷണ റിപ്പോര്‍ട്ട് സര്‍ക്കാര്‍ മടക്കി. പുതു ചരിത്രം കുറിച്ച് സ്‌പേസ് എക്‌സ് ഭൂമിയെ വലംവെച്ച് തിരികെയെത്തി. ന്യൂസിഡൻഡിനെതിരെ പരമ്പര ലക്ഷ്യമിച്ച് അവസാന ഏകദിനത്തിൽ ഇന്ത്യ ഇറങ്ങുന്നു. ഇന്നത്തെ 5 പ്രധാന വാർത്തകൾ ( Top 5 News Today ) അറിയാം.

തൃശൂര്‍ പൂരം കലക്കലുമായി ബന്ധപ്പെട്ട ക്രൈംബ്രാഞ്ച് അന്വേഷണ റിപ്പോര്‍ട്ട് സര്‍ക്കാര്‍ മടക്കി. തിരുവമ്പാടി ദേവസ്വത്തിലെ 10 പേരെ പ്രതി ചേര്‍ക്കാന്‍ അനുമതി തേടിയായിരുന്നു റിപ്പോര്‍ട്ട്. 2024 ലെ തൃശൂര്‍ പൂരം കലക്കല്‍ കേസില്‍ എഡിജിപി എം ആര്‍ അജിത് കുമാറിനെതിരെ ദുര്‍ബല പരാമര്‍ശം മാത്രമാണ് റിപ്പോര്‍ട്ടിലുണ്ടായിരുന്നത്. കൂടുതല്‍ വിശദീകരണവും തെളിവുകളില്‍ വ്യക്തതയും വേണമെന്ന് ചെന്നിത്തല ആവശ്യപ്പെട്ടിട്ടുണ്ട്.

ബഹിരാകാശ ഗവേഷണ രംഗത്ത് പുതു ചരിത്രം കുറിച്ച് ഇലോണ്‍ മസ്‌കിന്റെ സ്‌പേസ് എക്‌സ്. കൂറ്റന്‍ സ്റ്റാര്‍ഷിപ്പ് പേടകത്തെ ഭ്രമണപഥത്തില്‍ നിന്ന് തിരികെയെത്തിച്ച് വിക്ഷേപണത്തറയിലെ ഭീമന്‍ യന്ത്രക്കൈകള്‍ ഉപയോഗിച്ച് വിജയകരമായി പിടിച്ചെടുത്തു. റോക്കറ്റിന്റെ മുകള്‍ ഭാഗമായ പേടകത്തെ ഭ്രമണപഥത്തില്‍ നിന്ന് സുരക്ഷിതമായി തിരികെ ഇറക്കി വിക്ഷേപണ ഗോപുരത്തില്‍ തന്നെ പിടിച്ചെടുക്കുന്നത് ബഹിരാകാശ ചരിത്രത്തില്‍ തന്നെ ഇതാദ്യമായാണ്.

തലസ്ഥാനത്തെ ഞെട്ടിച്ച തിരുവനന്തപുരം ചാലയിലെ സ്വര്‍ണ്ണക്കവര്‍ച്ചയില്‍ 5 പേരുടെ അറസ്റ്റ് രേഖപ്പെടുത്തി. അനൂപ് രാജ്, അനില്‍ പ്രസാദ്, വിനോദ് ആന്റണി, അമുല്‍, ദിലീപ് എന്നിവരാണ് അറസ്റ്റിലായത്. വാഹനത്തില്‍ നിന്ന് 400 ഗ്രാമിലധികം സ്വര്‍ണം കണ്ടെടുത്തു. വാഹനത്തില്‍ നിന്ന് ഓടിരക്ഷപ്പെട്ട ചാല സ്വദേശി ശ്രാവണിനായി തിരച്ചില്‍ തുടരുകയാണ്. ബിസിനസ് തര്‍ക്കമാണ് കവര്‍ച്ചയ്ക്ക് പിന്നിലെന്നാണ് പൊലീസ് സൂചിപ്പിക്കുന്നത്. 

കഴിഞ്ഞ മത്സരത്തിലെ നാണംകെട്ട തോല്‍വിയ്ക്ക് പകരം വീട്ടണം, പരമ്പര സ്വന്തമാക്കണം... കഴിഞ്ഞ മത്സരത്തില്‍ ന്യൂസിലന്‍ഡിനോട് 244 റണ്‍സിന്റെ നാണം കെട്ട തോല്‍വി വഴങ്ങിയ ഇന്ത്യക്ക് ഇന്നത്തെ അവസാന മത്സരത്തില്‍ ജയിക്കാന്‍ കഴിഞ്ഞാല്‍ പരമ്പര നേടാം. ടോസ് നേടിയ ന്യൂസിലന്‍ഡ് ബൗളിംഗ് തെരഞ്ഞെടുത്തു. 5 മത്സരങ്ങളുടെ പരമ്പരയില്‍ ഇന്ത്യ 2-1ന് മുന്നിലാണ്.

സാമ്പത്തിക ബാധ്യത തീർക്കാൻ വഴിതെളിയും. മത്സര പരീക്ഷകളിൽ ആത്മവിശ്വാസത്തോടെ മുന്നേറാൻ കഴിയും. സഹോദരങ്ങളുമായി ബന്ധപ്പെട്ട കാര്യങ്ങളിൽ ഉത്തരവാദിത്വം ഏറ്റെടുക്കും. കലാ-സാംസ്കാരിക പ്രവർത്തനങ്ങളിൽ സജീവമാകും. കൃഷിയുമായി ബന്ധപ്പെട്ട കാര്യങ്ങളിൽ പ്രതീക്ഷ നൽകുന്ന പുരോഗതിയുണ്ടാകും. ബന്ധുക്കളുമായുള്ള കൂടിക്കാഴ്ച സന്തോഷം പകരും.